જો તમને કે તમારી મમ્મી કરી પત્તાને જોઈને જ ક્રેઝી થઈ જતાં હોવ તો આ લેખ ખાસ તમારા માટે જ છે. તમે અત્યારસુધી સ્વાદિષ્ટ રસોઈ અને સાઉથ ઇન્ડિયન સાંભાર કે રસમમાંજ તેનો ઉપયોગ કર્યો હશે. પરંતુ આજે અમે તમને એ જણાવીશું કે એ અમેઝિંગ વનસ્પતિનો તમે બ્યુટિ પ્રોડક્ટ પણ વાપરી શકો છો.

1. વાળના ગ્રોથ અને ખોડા માટે:
વાળને લગતી અનેક સમસ્યાઓમાં આ સમસ્યા સૌથી મોખરે હોય છે. જો કે આજે અમે તમને એના સિમ્પલ સોલ્યુશન આપવાના છીએ – કરી પત્તા. આ તમારા માથામાથી ખોડો દૂર કરવાની સાથે જ વાળનો ગ્રોથ પણ વધારશે.

કેવી રીતે વાપરવું : 
તાજા કરી પત્તામાં થોડું દૂધ મિક્સ કરીને ગ્રાઈન્ડ કરીને પેસ્ટ કરો. આ પેસ્ટને વાળ અને સ્કાલ્પ(માથુ)માં 15થી 20 મિનિટ સુધી લગાવી રાખીને પછી ધોઈ નાંખો. દર બીજા દિવસે આ પેસ્ટ લગાવવાથી વાળમાંથી ખોડો માઈલો દૂર જતો રહેશે અને વાળ સરસ થઈ જશે.

2. હેરઓઈલમાં કરી પત્તા: 
કરી પત્તા તમારા હેરઓઈલના નેચરલ બેનિફેક્ટર બની શકે છે. અકાળે ભૂખરા થવા લાગેલા વાળને રોકવા અને તેમને જડથી મજબુત બનાવવામાં પણ આ પત્તા ઘણા લાભદાયી છે. તેમજ તેની સુગંધને લીધે તમારું તેલ વધારે યૂઝર ફ્રેન્ડલી બની જશે.

કેવી રીતે બનાવશો: 
કોકોનટ ઓઈલને એક પેનમાં ગરમ કરો અને તેમાં કરી પત્તા ઉમેરો. જ્યારે તેલનો કલર બદલાવા લાગે ત્યારે ગેસ બંધ કરી દો અને તેલને ઠંડુ થવા દો. એ પછી પાંદડાને આંગળીઓથી મસળી નાંખો. આ તેલને ગાળીને ભરીને વાળમાં લગાવો.

3. ખીલ અને ખીલના નિશાન માટે: 
જો આ સમસ્યા માટે તમે ડૉક્ટર પાસે ના ગયા હોવ તો હવે ઉતાવળ કરવાની ખાસ જરૂર નથી કારણ કે તમારી સમસ્યાનું સરળ સમાધાન કરી પત્તામાં જ છુપાયેલું છે. ખીલથી અસર પામેલા ભાગને આનાથી ઘણો ફાયદો થશે.

કેવી રીતે વાપરવું : 
કરી પત્તાને ધોઈને ક્રશ કરીને પેસ્ટ બનાવી લો. તેમાં થોડો લીંબુનો રસ મિક્સ કરીને આ મિશ્રણને તકલીફ હોય તે જગ્યાએ લગાવો. તેને દસ મિનિટ સુધી રાખીને પછી ચહેરો ધોઈ લો. આ પ્રયોગ દર બે દિવસે કરવાથી ઘણો ફેર દેખાશે.

4. કડીપત્તાનો ફેસપેક: 
ચહેરાને તાજગીભર્યું કરવા માટે પણ આ પત્તા ઘણાં હેલ્પફુલ રહે છે. આ ફેસમાસ્ક બનાવવા માટે કરી પત્તાનો પાવડર બનાવીને ફેસપેકની જેમ લગાવો. આ પાવડર ચહેરા પરની કરચલીઓને ફાઈટ આપશે અને ચહેરાના ગ્લોમાં વધારો કરશે.

કેવી રીતે બનાવશો: 
કડીપત્તાને તડકામાં સૂકવી લો અને પછી તેનો પાવડર બનાવી દો. એમાં એટલા જ પ્રમાણમાં મુલતાની માટી મિક્સ કરો અને પૂરતાં પ્રમાણમાં ગુલાબજળ અને થોડું તેલ મિક્સ કરો. આ મિશ્રણને 20 મિનિટ સુધી ચહેરા પર લગાવીને ધોઈ નાખો.

source: divyabhaskar.co.in

ખરતા વાળ, ખોડો, ખીલ અને ખીલના ડાઘનો સસ્તો ઇલાજ રસોડામાં છે


WHOની રિપોર્ટ અનુસાર, પર્યાવરણમાં વધતા અવાજ પ્રદૂષણથી સ્વાસ્થય પર ખરાબ અસર પડે છે. તો જાણ લો બગડતા મહાલોમાં મૌન રહેવું કેટલું ફાયદાકારક છે. તણાવથી બચવુ છે તો મૌન રહેતા શીખો. અમે જણાવીશું ચૂપ રહેવાના 5 જાદુઈ ફાયદા વિશે..

તણાવ ઓછો કરે છે
ભાગમભાગવાળી જિંદગીમાં માનસિક તણાવ હોવો સામાન્ય બાબત બની છે. સતત આ માનસિક તણાવની અવસ્થામાંથી પસાર થયા બાદ, અનેક નકારાત્મક બદલાવ થતા રહે છે. તેનાથી નિર્ણય લેવાની ક્ષમતા, રચનાત્મકતા અને ફોકસ પર અસર પડે છે. આ પરિસ્થિતિથી બચવા માટે શાંતિ અને મૌન રહેવું જરૂરી છે. તેનાથી તમારી ઊર્જા બચે છે અને ફરીથી વધુ સારુ કામ કરવાની તાકાત મળે છે.

ગંભીર બીમારીથી બચાય છે
ડિપ્રેશન અને અલ્ઝાઈમર જેવી ગંભીર બીમારીમાં મૌન રહેવુ અથવા શાંત રહેવું બહુ જ સારુ છે. આવુ કરવાથી દિમાગના તે હિસ્સામાં નવા સેલ બને છે, જે યાદશક્તિ, ભાવના અને શીખવા સાથે જોડાયેલ છે.

સારા શ્રોતા બનાવે છે
જો તમને ધ્યાન કેન્દ્રિત કરવામા સમસ્યા થઈ રહી છે, તો દિવસમાં માત્ર 3 મિનીટ શાંત રહેવાનું શરૂ કરી દો. તેનાથી ન માત્ર ઓફિસમા, પરંતુ વ્યક્તિગત સંબંધોમાં પણ સુધારો આવશે.

મદદ મળશે
વ્યવસાયી જિંદગીમા કંપનીઓની આશા વધી ગઈ છે. તેથી તે કર્મચારીઓની વધુ સારો માહોલ આપવાનો પ્રયાસ કરે છે. કર્મચારીઓને રાહત આપવા માટે ઓફિસોમાં એવી જગ્યાઓ તૈયાર કરવામાં આવી છે, જ્યાં તેઓ થોડા સમય માટે આરામ કરી શકે. કામમાં વ્યસ્ત રહો છો, તો તમારા માટે થોડો સમય કાઢો.

ભાવુકતાથી દૂર રહો
અનેકવાર જિંદગીમાં માહોલ વધુ પડતો ભાવુક થઈ જાય છે. આવામાં પોતાને સંભાળવાની અને પોતાના માટે તાર્કિક નિર્ણયો લેવાની જરૂર છે, જેનાથી તમે શાંત રહી શકો છો. થોડા સમય માટે મૌન ધારણ કરવાથી અસ્થિર પળોમાં પોતાની જાતને સ્થિર કરવામાં મદદ મળે છે.

source: sandesh.com

બડબડ કરવાનું છોડી મૌન રહેતા શીખો, ચૂપ રહેવાના છે જાદુઈ આવા ફાયદા


દરરોજ વર્કઆઉટ કર્યા બાદ પણ જો તમારા શરીરમાં નબળાઈ રહેતી હોય અથવા તમે બહુ જલ્દી બીમાર થઈ જતાં હોવ તો એનો મતલબ છે કે તમારે તમારા આહાર પર ધ્યાન આપવાની જરૂર છે. એટલે કે તમારે એવા ખોરાક લેવાની જરૂર છે જેનાથી તમને ભરપૂર તાકાત મળે અને સ્ટેમિના વધે. જે ન માત્ર તમને શક્તિવાન બનાવે પરંતુ તમારી ઈમ્યૂન સિસ્ટમને પણ મજબૂત બનાવે. જેથી આજે અમે તમને એવી 7 વસ્તુઓ વિશે જણાવીશું જે નિયમિત ખાવાથી તમે તાકાતવાન અને સ્વાસ્થ્યવર્ધક બનશો અને તમારા શરીરને ભરપૂર ઊર્જા મળશે.

1. ચીઝ

ક્યારે ખાવું- બ્રેકફાસ્ટમાં અથવા સાંજે નાસ્તામાં ખાવું
કેમ ખાવું- ચીઝની લગભગ 300 જાતની વેરાઈટી હોય છે અને બધાંમાં સારી માત્રામાં કેલ્શિયમ, ફોસ્ફરસ, ઝિંક, પ્રોટીન અને વિટામિન ડી, એ અને બી12 હોય છે. જે દાંતને તંદુરસ્ત રાખવા માટે પણ અત્યંત લાભકારક હોય છે. સાથે કેલ્શિયમ હોવાને કારણે હાડકાં માટે પણ ચીઝ બહુ જ ફાયદાકારક હોય છે. તેમાં રહેલું પ્રોટીન શરીરના હોર્મોન્સ અને એન્જાઈમ (પ્રોટીનથી બનનારાં સેલ્સ)ને પણ બેલેન્સમાં રાખે છે. ત્યાં ચીઝમાં રહેલું ઝિંક શરીરને હાર્ટ, કિડની અને લંગ્સ ઈન્ફેક્શનથી બચાવે છે.

2. સ્પ્રાઉટ્સ

ક્યારે ખાવા- રોજ સવારે બ્રેકફાસ્ટમાં ખાવા
કેમ ખાવું- સ્પ્રાઉટ્સમાં શાકભાજી અને ફળો કરતાં 100 ગણું વધારે એન્જાઈમ (પ્રોટીનથી બનનારા સેલ્સ, જેનાથી આખું શરીર કામ કરે છે) હોય છે. તેમાં કેટલાક પ્રકારના પ્રોટીન, વિટામિન, મિનરલ્સ હોય છે જે શરીરની બીમારીઓને દૂર રાખે છે અને શરીરને તંદુરસ્ત અને ઊર્જાસભર બનાવે છે. ખાસ કરીને વિટામિન બી બહુ જ ફાયદાકારક હોય છે. સ્પ્રાઉટ્સમાં વિટામિન બી1, બી2 અને વિટામિન બી3 હોય છે. જે આપણા શરીર માટે બહુ જરૂરી હોય છે.

3. ફિશ

ક્યારે ખાવી- લંચ અથવા ડિનરમાં ખાઈ શકાય
કેમ ખાવી- તમામ પ્રકારની માછલીઓમાં ભરપૂર માત્રામાં પ્રોટીન અને મિનરલ્સ હોય છે, ત્યાં સેમન, ટુના, ટ્રોટ અને સરડિન્સ વગેરે માછલીઓમાં ઓમેગા-3, વિટામિન ડી અને કેલ્શિયમ ભરપૂર માત્રામાં હોય છે.  આ જ કારણથી માછલી અનેક બીમારીઓ જેમ કે કેન્સર, દિલ સંબંધી બીમારી, આર્થ્રાઈટિસ, ડ્રિપેશન વગેરેથી શરીરનું રક્ષણ કરે છે. સાથે જ માછલી સ્કિન માટે પણ બહુ જ લાભકારક હોય છે.

4. દૂધ

ક્યારે પીવું- સૂતા પહેલાં અને સવારે બ્રેકફાસ્ટમાં લેવું
કેમ પીવું- દૂધને સંપૂર્ણ આહાર કહેવાય છે અને તેમાં ભરપૂર માત્રામાં કેલ્શિયમ હોય છે. જે માત્ર બાળકો માટે જ નહીં પરંતુ મોટાઓ માટે પણ બહુ જ ફાયદાકારક હોય છે. દૂધ દાંત માટે પણ બહુ સારું માનવામાં આવે છે કારણ કે દૂધમાં રહેલું કેલ્શિયમ અને ફોસ્ફરસ નવા દાંત આવવામાં મદદ કરે છે અને જુના દાંતને સ્વસ્થ રાખે છે. દૂધ હાઈ બ્લડપ્રેશરને કંટ્રોલ કરે છે અને સ્થૂળતાને ઘટાડવામાં પણ મદદ કરે છે. એટલું જ નહીં દૂધ કેન્સર, ડાયાબિટીસ અને ડિહાઈડ્રેશન જેવી સમસ્યાઓથી શરીરનું રક્ષણ કરે છે.

5. ઓરેન્જ જ્યૂસ

ક્યારે પીવું- રોજ સવારે બ્રેકફાસ્ટમાં પીવું
કેમ પીવું- સંતરાના જ્યૂસમાં ભરપૂર માત્રામાં કેલ્શિયમ, વિટામિન ડી, વિટામિન સી જેવા ન્યૂટ્રિશન હોય છે. સંતરામાં સૌથી વધારે વિટામિન સી હોય છે, જે શરીરમાં ઈન્ફેક્શનને ઘટાડે છે, બ્લડપ્રેશરને બેલેન્સ કરે છે. ખરાબ કોલેસ્ટ્રોલને ઓછું કરે છે અને સ્કિનને પણ ગ્લોઈંગ રાખે છે. ઓરેન્જ જ્યૂસ ઈમ્યૂન સિસ્ટમને સુધારે છે. જેથી પેટ સંબંધી બીમારીઓ પણ થતી નથી. આ સિવાય સંતરાનું જ્યૂસ કેન્સર, અલ્સર, પથરી, હાર્ટ એટેક, એનિમિયા વગેરેથી પણ શરીરનું રક્ષણ કરે છે. જેથી વિટામિન સીથી ભરપૂર ફળ અવશ્ય આરોગવા જોઈએ.

6. લીલા શાકભાજી

ક્યારે ખાવા- રોજ ડાયટમાં સામેલ કરવા
કેમ ખાવા- ભોજનમાં લીલા શાકભાજી ખાવા અત્યંત જરૂરી હોય છે. તેમાં ભરપૂર માત્રામાં વિટામિન સી અને ન્યૂટ્રિઅન્ટ્સ હોય છે. જેમ કે આયર્ન, વિટામિન એ, બી, સી, કેલ્શિયમ અને ફાયબર. લીલા શાકભાજીમાં એન્ટીઓક્સીડેન્ટ્સ હોય છે. જે ઈમ્યૂન સિસ્ટમને મજબૂત બનાવે છે. સાથે-સાથે કેન્સરના સેલ્સને પણ ખતમ કરે છે. એટલું જ નહીં લીલા શાકભાજી સ્ટ્રોક, દિલની બીમારીઓ અને ડાયાબિટીસ હોવાના ખતરાને પણ ઘટાડે છે. સાથે જ શરીરને ભરપૂર માત્રામાં પોષક તત્વો આપે છે.

7. ઈંડા

ક્યારે ખાવા- દરરોજ 1 ઈંડુ ખાઓ
કેમ ખાવા- ઈંડામાં ભરપૂર માત્રામાં પ્રોટીન હોય છે. એટલું જ નહીં ઈંડાના સફેદ ભાગમાં વિટામિન ડી હોય છે. રોજ ઈંડા ખાવાથી 6 ટકા વિટામિન ડી મળે છે. ઈંડામાં ઓમેગા-3, વિટામિન એ, ઈ, એન્ટીઓક્સીડેન્ટ, લ્યૂટેન વગેરે હોય છે. જે સ્ટ્રોક, દિલ સંબંધી બીમારીથી બચાવે છે. આંખો માટે પણ આ બહુ ફાયદાકારક હોય છે. બોડી બિલ્ડિંગ માટે પણ ઈંડા એક ઈફેક્ટિવ ફૂડ છે.

source: divyabhaskar.co.in

રોજ ખાઓ આ 7માંથી કોઈ 1 ફૂડ, નબળા શરીરને મળશે ભરપૂર તાકાત


દહીંમાં પ્રોબાયોટિક્સ એટલે કે સારાં બેક્ટેરિયા હોય છે. આ સાથે જ તેમાં વિટામિન્સ, કેલ્શિયમ અને અન્ય કેટલાક ફાયદાકારક મિનરલ્સ હોય છે. પણ દહીં ખાવાના કેટલાક નિયમો હોય છે. જેને ફોલો કરવા બહુ જ જરૂરી છે. નહીં ફાયદાની જગ્યાએ તેને ખાવાથી નુકસાન થવા લાગે છે. આયુર્વેદમાં 6 નિયમો જણાવ્યા છે જ્યારે દહીં ન ખાવું જોઈએ.

આયુર્વેદમાં દહીંને અભિષ્યંદી દ્રવ્ય માનવામાં આવે છે. એટલે કે એવો આહાર છે ચેનલ્સને બ્લોક કરે છે. જેથી આયુર્વેદમાં તેને બહુ સારાં આહાર તરીકે નથી માનવામાં આવતું પણ લોકોમાં એવી માન્યતા છે કે આયુર્વેદ પ્રમાણે દહીં બહુ જ સારું છે અને રોજ દહીં ખાવું જોઈએ. પણ આયુર્વેદના નિયમો ફોલો કરીને દહીં ખાવામાં આવે તો તેનાથી નુકસાન થતું નથી. તો આજે તમે પણ જાણી લો.


આયુર્વેદ પ્રમાણ દહીં ખાવાના કયા નિયમો ફોલો કરવા ખૂબ જ જરૂરી છે.







source: divyabhaskar.co.in

આ 6 રીતથી ક્યારેય દહીં ન ખાવું જોઈએ, નહીં તો ફાયદાની જગ્યાએ થશે નુકસાન


જેવી રીતે ખીલ અને ખીલના ડાઘ ચહેરાની સુંદરતા બગાડે છે. એ જ રીતે બ્લેક હેડ્સ પણ સુંદર ચહેરાને ખરાબ કરે છે. નાક અને ચિન પર સૌથી વધારે બ્લેક હેડ્સ થાય છે. ચહેરા પર જે જગ્યાએ સ્કિન થોડી હાર્ડ હોય તે જગ્યા પર બ્લેક હેડ્સની સમસ્યા જોવા મળે છે. ચહેરાની સ્કિનના છિદ્રોમાં ઓઇલ ભરાઈ જાય છે અને તેમાં જામી જાય છે. જેના કારણે છિદ્રો સખત બને છે અને ચહેરા પર કાળાં ટપકાં જેવા બ્લેક હેડ્સ ઉપસી આવે છે. બ્લેક હેડ્સથી ચહેરો ગંદો દેખાય છે.

બ્લેક હેડ્સને દૂર કરવા થોડી સ્વચ્છતા રાખવી જરૂરી છે. તેના માટે સારાં ક્લીન્ઝરનો નિયમિત ઉપયોગ કરવો જોઇએ.ચહેરાને યોગ્ય રીતે સાફ કરવો, દિવસમાં બે વખત ચહેરાને હૂંફાળા પાણીથી સાફ કરો. આ સિવાય બ્લેક હેડ્સને દૂર કરવા માટે તે થવાના કારણો સમજવા બહુ જરૂરી છે. જેથી આજે અમે તમને બ્લેક હેડ્સ થવાના કારણો અને તેના માટે બેસ્ટ ઘરેલૂ ઉપચાર જણાવીશું.

બ્લેક હેડ્સ થવા માટેના 6 કારણો જવાબદાર છે.

  1. હોર્મોનલ ચેન્જ- ઉંમરની સાથે બોડીમાં હોર્મોનલ ચેન્જ આવે છે, જેમાના કેટલાક હોર્મોન્સથી સ્કીન પર ખરાબ અસર થાય છે. જેના કારણે બ્લેક હેડ્સની પ્રોબ્લેમ થવા લાગે છે.
  2. સ્કીન સાફ ન કરવી- ડસ્ટ અને પોલ્યુશનને કારણે સ્કીન પોર્સ બંધ થઇ જાય છે. જેના કારણે બ્લેક હેડ્સની પ્રોબ્લેમ થવા લાગે છે.
  3. કેમિકલ્સની અસર- મેકઅપ અને બ્યુટી પ્રોડકટ્સમાં રહેલા કેલીકલ્સની ખરાબ અસરને લીધે બ્લેક હેડ્સની પ્રોબ્લેમ થાય છે.
  4. સ્મોકિંગ- સિગરેટના ધુમાડામાં રહેલો ટાર અને કેમિકલ્સ સ્કીન પોર્સમાં જમા થાય છે. જેને લીધે હેડ્સની પ્રોબ્લેમ થાય છે.
  5. ડાયટ- ડાયટમાં વધુ ઓઈલી, હાઈ શુગર અને હાઈ કાર્બોહાઈડ્રેટ વાળા ફૂડસ ખાવાથી સ્કીનને નુકસાન થાય છે. લીધે બ્લેક હેડ્સની પ્રોબ્લેમ થાય છે.
  6. સ્ટ્રેસ- સતત સ્ટ્રેટમાં રહેવાને લીધે કોર્ટીસોલ નામના સ્ટ્રેસ હોર્મોન રીલીઝ થાય છે. જેની સ્કીન પર ખરાબ અસર થાય છે. લીધે બ્લેક હેડ્સની પ્રોબ્લેમ થાય છે.

બ્લેકહેડ્સ દુર કરવા માટેના ઉપાયો:

  1. ગુલાબ જળ- 1-1 ચમચી ગુલાબજળ અને મીઠું મિક્ષ કરો, અને બ્લેકહેડ્સ પર હળવેથી મસાજ કરો. 10 મિનીટ બાદ વોશ કરી નાખો.
  2. ખાંડ- 1 ચમચી ખાંડમાં ચપટી મીઠું મિક્ષ કરો. જેને બ્લેકહેડ્સ પર હળવા હાથે મિક્ષ કરો. 5 મિનીટ બાદ કોટનથી સાફ કરો.
  3. ચણાનો લોટ- 1 ચમચી ચણાના લોટમાં બે ચમચી દૂધ અને ચપટી મીઠું મિક્ષ કરી ચેહરા પર લગાવો. 10 મિનીટ બાદ હળવા હાથે ઘસીને ધોઈ નાખો.
  4. લીંબુનો રસ- લીંબુનો રસ બ્લેકહેડ્સ પર લગાવીને મસાજ કરો. 2 મિનીટ બાદ તેના પર મીઠું લગાવીને હળવા હાથે ઘસો અને 5 મિનીટ બાદ નવશેકા પાણીથી ધોઈ લો.
  5. દહીં- અળધી ચમચી દહીં માં થોડો કાળા મરીનો પાઉડર મિક્ષ કરી લો. જેને બ્લેકહેડ્સ પર લગાવો. 10 મિનીટ બાદ હળવા હાથે ઘસીને ધોઈ નાખો.
  6. બેકિંગ સોડા- અડધા કપ પાણીમાં બે ચમચી બેકિંગ સોડા મિક્ષ કરીને પેસ્ટ બનાવી લો. જેનાથી 5-8 મિનીટ બ્લેકહેડ્સ પર મસાજ કરો. સુકાઈ ગયા બાદ નવશેકા પાણીથી વોશ કરો.
  7. તજ- એક ચમચી તજના પાઉડરમાં 1-1 ચમચી લીંબુ નો રસ અને હળદર મિક્ષ કરી ચેહરા પર લગાવો અને મસાજ કરો. 5 મિનીટ બાદ ધોઈ લો.
  8. મધ- એક ચમચી મધ લઇ ચેહરા પર લગાવો. 5-10 મિનીટ સુધી મસાજ કરો અને બાદમાં ધોઈ નાખો.
  9. હળદર- 2-2 ચમચી હળદર અને ફોદીનાનો રસ મિક્ષ કરી પેસ્ટ બનાવી લો. તેનાથી 5 મિનીટ ચેહરા પર મસાજ કરો અને બાદમાં નવશેકા પાણીથી ધોઈ નાખો.
  10. કેળા- કેળાની છાલના અંદરનાં ભાગથી બ્લેકહેડ્સ પર 10 મિનીટ સુધી મસાજ કરો. અને પછી પાણીથી ધોઈ નાખો.

source: divyabhaskar.co.in

આ 6 કારણોથી થાય છે બ્લેક હેડ્સ, જડથી દૂર કરશે આ 10 ઉપયોગી ટીપ્સ


રોજબરોજના જીવનમાં ભાગદોડ વચ્ચે આપણે અનેક પ્રકારના તણાવમાંથી પસાર થતાં હોઇએ છીએ. સૂતા-જાગતા, ખાતા-પીતા દરેક સમયે મગજમાં કોઇને કોઇ પરેશાની અથવા તણાવ ચાલતો જ રહે છે. તેના કારણે માથાનો દુઃખાવો, ગરદનમાં દુઃખાવો, કમરમાં દર્દ, મેદસ્વિતા અને થાક જેવી સમસ્યાઓ વધી જાય છે. એવામાં બ્રીધિંગ એક્સરસાઇઝની મદદથી તણાવ અને અન્ય સમસ્યાઓમાંથી છૂટકારો મેળવી શકાય છે.

ડીપ બ્રીધિંગ બેસ્ટ એક્સરસાઈઝ

જ્યારે આપણે શ્વાસ લઇએ છીએ તો તેની સાથે જ શરીરમાં પહોંચનારું ઓક્સિજન લોહીના માધ્યમથી શરીરની કોશિકાઓને પોષણ આપે છે. બ્રીધિંગનું મહત્વ વર્ષોથી પ્રાણાયામ તરીકે દર્શાવવામાં આવ્યું છે. માત્ર ઉંડા શ્વાસ લેવાથી અને છોડવાથી આપણને અનેક પ્રકારના ફાયદાઓ થાય છે.

કેવી રીતે કરી શકો છો બ્રીધિંગ એક્સરસાઇઝ અને તેના લાભ કયા-કયા છે.
  • ધ્યાન દરમિયાન ડીપ બ્રીધિંગનું ખાસ મહત્વ છે. ડીપ બ્રીધિંગ માટે સીધા બેસી જાવ અને એક હાથ તમારી છાતી રાખો અને બીજો પેટ ઉપર રાખો. ત્યારબાદ ઉંડા શ્વાસ લો અને ધીરે ધીરે શ્વાસ છોડો. જો બ્રીધિંગ યોગ્ય રીતે કરવામાં આવે તો તેનાથી અઢળક સ્વાસ્થ્ય ફાયદાઓ મળે છે. 
  • રોજિંદા કામોની સાથે બ્રીધિંગ એક્સરસાઇઝ કરી શકો છો.
  • વધારે તણાવની સ્થિતિમાં બ્રીધિંગ લેવલ અચાનક વધી જાય છે, તેને કંટ્રોલ કરવા માટે આ એક્સરસાઇઝ કરવાથી લાભ મળે છે. 
  • ફિટ રહેવા માટે મોંના બદલે હંમેશા નાકથી જ શ્વાસ લેવો જોઇએ. 
  • ચાલતા-ચાલતા પણ બ્રીધિંગ એક્સરસાઇઝ કરી શકાય છે.

રિલેક્સ અનુભવશો 
તમે જ્યારે પણ કરશો ત્યારે તે તમારા શરીરને સંપૂર્ણ રીતે રિલેક્સ કરશે, એટલું જ નહીં પણ તમને માનસિક શાંતિ પણ આપશે. જેથી તમારા સમયાનુકૂળ તમે આ કસરત કરી શકો છો.

ડિટોક્સિફિકેશનઃ
બ્રીધિંગની મદદથી શરીરના 70 ટકા ટોક્સિન્સ શરીરમાંથી બહાર નીકળી જાય છે, જેથી આ કસરત નિયમિત કરો.

દર્દમાંથી રાહતઃ
નિયમિત ડીપ બ્રીધિંગ કરવાથી દુખાવામાંથી પણ રાહત મળે છે. તે પ્રાકૃતિક પેઇન કિલર તરીકે પણ કામ કરે છે.

ખુશી મળશેઃ
નિયમિત રીતે ડીપ બ્રીધિંગ કરવાથી બ્રેનમાં ન્યૂરોકેમિકલ્સનું પ્રોડક્શન વધી જાય છે, જે અંદરથી ખુશ રાખવામાં તમારી મદદ કરે છે. જેથી તમારો મૂડ હમેશા સારો રહે છે અને તમે અનેરી ખુશીનો અનુભવ કરો છો.

પોશ્ચરમાં સુધારઃ
કેટલાંક અધ્યયન અનુસાર, તમારું ખરાબ પોશ્ચર બ્રીધિંગમાં ગરબડ થવાના કારણે થાય છે. જો તમે ડીપ બ્રીધિંગ કરશો તો નિરંતર સુધાર તમે પોતે જ જોઇ શકશો.

હૃદયનું સ્વાસ્થ્ય સુધરશેઃ
આ અંગે કેટલાંક અધ્યયનો પણ થયેલા છે, જેમાં સામે આવ્યું છે કે એક્સરસાઇઝ પહેલાં ડીપ બ્રીધિંગ કરવાથી તમે વધારે સારી રીતે વર્કઆઉટ કરી શકો છો. તેનાથી તમારાં હૃદયનું સ્વાસ્થ્ય સુધરે છે અને વજન પણ વધારી શકાય છે.

પાચન તંત્ર સુધરશેઃ
ડીપ બ્રીધિંગ કરતી વખતે વધારે ઓક્સિજન ડાઇજેસ્ટિવ ઓર્ગન્સમાં પહોંચે છે. તેનાથી તમારું પાચનતંત્ર યોગ્ય રીતે કામ કરી શકે છે અને પેટ પણ દુરસ્ત રહે છે.

source: divyabhaskar.co.in

સમયના બંધન વિના કરો 5 મિનિટની આ કસરત, ક્યારેય બીમાર નહીં પડો


ઉનાળાની ઋતુમાં વધતી જતી ગરમીને કારણે અનેક સમસ્યાઓ થાય છે. જેમાં અળાઈઓ એ ઉનાળામાં થતી અને ખૂબ પજવતી સમસ્યા છે. જેઓને આ સમસ્યા નડે છે તેઓ માટે ઉનાળો અસહ્ય બની જાય છે. ગરમી અને ભેજને કારણે પુષ્કળ પરસેવો થાય છે. પરેસવાને કારણે ત્વચા પર ખંજવાળ અને ત્યારબાદ બળતરા ઉત્પન્ન થાય છે. જેના પરિણામે બેકટેરિયા ઉત્પન્ન થાય છે અને ત્વચા પર ઝીણી ફોલ્લીઓ થાય છે. આ સમસ્યા સામાન્ય રીતે ડોક, સ્તનની નીચે, બગલ, જાંઘ અને પીઠ પર થાય છે.

અળાઈઓથી બચવાનો શ્રેષ્ઠ ઉપાય શરીરને ઠંડુ રાખવાનો છે. શરીરની ગરમીને નિયંત્રણમાં રાખે તેવા ઉપાયો કરો. આ સિવાય આજે અમે તમને 15 અસરકારક ઘરેલૂ ઉપાયો જણાવીશું, જે અળાઈઓમાં તરત જ રાહત આપશે.

અળાઈથી ઝડપથી છૂટકારો અપાવતા અન્ય ઘરેલૂ ઉપાયો વિશે.















source: divyabhaskar.co.in

એક જ દિવસમાં દૂર થશે શરીર અને ચહેરા પર થતી અળાઈઓ, કરો 15માંથી 1 ઉપાય


ડુંગળી સ્વાસ્થ્યની દ્રષ્ટિએ અનેક રીતે લાભકારી છે. તમે તેને સલાડ તરીકે ખાઈ શકો છો. તેમાં સલ્ફર, અમિનો એસિડ અને વિટામિન્સ ભરપૂર માત્રામાં હોય છે. જે આપણને ઘણી બીમારીઓથી બચાવે છે. રોજ સલાડમાં ડુંગળી ખાવાથી કબજિયાત, કોલેસ્ટ્રોલ અને એનિમિયાની સમસ્યાથી છુટકાકરો મળે છે. સાથે જ તે કેન્સરનો ખતરો પણ દૂર કરે છે. ડાયટિશિયન અભિષેક દુબે જણાવી રહ્યાં છે ડુંગળીના ફાયદા.

કેન્સર
ડુંગળીમાં સલ્ફર વધુ પ્રમાણમાં હોય છે. જે કેન્સર સેલ્સને વધતાં રોકે છે અને કેન્સરનો ખતરો ઘટાડે છે. તે પેટ, ફેફસા અને પ્રોસ્ટેટ કેન્સરથી બચાવે છે.

કબજિયાત
આમાં ફાયબર હોય છે. જે કબજિયાતની સમસ્યાથી રાહત આપવામાં મદદ કરે છે.

કોલેસ્ટ્રોલ
આમાં અમિનો એસિડ અને મિથાઈલ સલ્ફાઈડ હોય છે. જે ગુડ કોલેસ્ટ્રોલને વધારીને બેડ કોલેસ્ટ્રોલને ઘટાડે છે. તે હાર્ટની બીમારીઓથી પણ બચાવે છે.

બ્લડપ્રેશર
મિથાઈલ સલ્ફાઈડ અને અમિનો એસિડ બીપી કંટ્રોલ કરવામાં મદદ કરે છે. જેનાથી બીપીની સમસ્યા થતી નથી.

ડાયાબિટીસ
કાચી ડુંગળી ખાવાથી બોડીમાં ઈન્સ્યૂલિનની માત્રા વધે છે. જે ડાયાબિટીસ કંટ્રોલમાં રાખવામાં મદદ કરે છે.

કઈ રીતે છે ફાયદાકારક?
ડુંગળીમાં કેલિસિન, આયર્ન, કેલ્શિયમ, વિટામિન B6, B અને C ભરપૂર માત્રામાં હોય છે. જેથી તે નેચરલ એન્ટીબાયોટિકની જેમ કામ કરે છે.

ગર્ભવતી મહિલાઓએ ન ખાવી કાચી ડુંગળી
નિષ્ણાંતો મુજબ ગર્ભાવસ્થામાં કાચી ડુંગળી ખાવાથી મહિલાની છાતીમાં બળતરા અથવા ખાટાં ઓડકારની પ્રોબ્લેમ થઈ શકે છે. જેથી ડોક્ટરની સલાહ વિના ડુંગળી ખાવી નહીં.

source: divyabhaskar.co.in

કેન્સર, કબજિયાત, કોલેસ્ટ્રોલથી બચાવે છે કાચી ડુંગળી, રોજ સલાડમાં ખાઓ


મોટાભાગના લોકોની સવાર ચાથી થાય છે. જે લોકોને ચાની ટેવ હોય તે લોકો મસાલાવાળી કે આદુવાળી ચા પીવી પસંદ કરતા હોય છે. જેમાં દૂધ પણ વધુ હોય તેવો આગ્રહ રાખતા હોય છે. પરંતુ દૂધ વિનાની ચા એટલે કાળી ચા સ્વાસ્થ્ય માટે લાભદાયી હોય છે. કાળી ચા ચરબી ઘટાવામાં , ડાયાબિટીસ અને કેન્સરના રોગમાં ફાયદાકારક બને છે.

સંશોધકો મુજબ, રોજ એક કપ બ્લેક ટી પીવાથી વ્યક્તિ અનેક રોગોથી બચી શકે છે. ઘણા લોકો કાળી ચા નામ સાંભળીને જ મોઢું બગાડતા હોય છે. પરંતુ આ જ કાળી ચા તમને સ્વસ્થ રાખવામાં મદદ કરે છે. આવો જાણીએ કાળા ચા પીવાથી થતાં ફાયદા વિશે.

હૃદય સ્વસ્થ બને છે
દિવસ દરમિયાન ચાર કપ કાળી ચાના સેવનથી શરીરમાં અનેક પ્રકારા ફેરપાર થાય છે. જે સ્વાસ્થ્ય માટે ફાયદાકારક છે. તેમાં હાજર પ્વેનોયડ્સના કારણે કેરોનરી હાર્ટ ડિસીઝનો ભય ઘટે છે. તેની સાથે હૃદય રોગનું કારણ બનનારા કોલેસ્ટ્રોલના સ્તર ઘટે છે. તેનાથી હૃદય રોગ થવાની શક્યતાઓમાં ઘટાડો થાય છે. તેથી કાળી ચાનું સેવન કરવું સ્વાસ્થ્ય માટે શ્રેષ્ઠ છે.

ઓવેરિયન કેન્સરથી બચાવ
કાળી ચામાં પોલિફિનોલ તત્ત્વ હોય છે. આ એક એન્ટઓક્સિડન્ટ છે. તે અંડાશયના કેન્સર ઉત્પન્ન કરનારી કોશિકાઓે વધતાં રોકે છે. રોજના બે કપ કાળી ચા પીવાથી ૩૦ ટકા કેન્સર થવાનો ભય ઓછો થાય છે.

બ્લડ શુગરને નિયંત્રિત રાખે છે
કાળી ચા ડાયાબિટીસના દર્દીઓ માટે પણ ફાયદાકારક છે. કાળી ચામાં હાજર કેટેર્ચિસ અને થિયાફ્લોર્વિસ નામનું ત્ત્વ શરીરને સંતુલિત સેન્સેટિવ બનાવવામાં મદદ કરે છે. જેનાથી ટાઇપ-૨ ડાયાબિટીસ થવાનો ભય ઓછો રહે છે.

હાડકાં મજબૂત બનાવે છે
ઉંમર વધવાની સાથે શરીરના હાડકાં ઘસવાના કારણે નબળા બને છે. હાડકાંને મજબૂત બનાવવામાં કાળી ચા મદદ કરે છે. જો તમારા શરીરનાં હાડકાં પણ ઘસારાના કારણે નબળા પડી ગયા હોય અથવા શરીરના હાડકાંમાં દુખાવો સતત રહ્યા કરતો હોય તો દિવસમાં બે વખત કાળી ચાનું સેવન કરો.

દૂધ વિનાની કાળી ચાનું સેવન સ્વાસ્થ્ય માટે લાભદાયી, પીશો તો જાણશો


એવુ કહેવાય છે કે સારુ સ્વાસ્થ્ય જાળવવા માટે સારુ ભોજન લેવુ જરૂરી છે. સારુ ભોજન લેવાથી તમે ફિટ રહેશો, તમારુ બ્લડ સર્ક્યુલેશન વધશે. તમારા જીન્સના વિકાસ માટે પણ પૌષ્ટિક ભોજન મહત્વનું છે. આજે અમે તમને કેટલાક સુપરફૂડ અંગે જણાવવા જઈ રહ્યા છે જે લેવાથી તમે સદાય હુષ્ટપુષ્ટ રહેશો અને તમારા બાળકો માટે પણ આ ચીજો ફાયદાકારક પુરવાર થશે.

લસણઃ

લસણના ફાયદા તો ગણ્યા ગણાય નહિ એટલા છે. રોજ લસણની બે કળી ખાવાથી ઘણો લાભ થાય છે. તેમાં એલિસિન નામનુ તત્વ હોય છે જે બ્લડ સરક્યુલેશન વધારે છે. લસણને મધ સાથે ખાશો તો પણ તમને ઘણા ફાયદા થશે.

કેળુઃ

કેળુ ઉર્જાનો ઘણો સારો સ્રોત છે. તેમાં ફાઈબર, પોટેશિયમ અને મેગ્નેશિયમ રહેલા છે જે શરીરને મજબૂત બનાવે છે. લાંબો સમય તેનુ સેવન કરવાથી શરીરને ઉર્જા મળે છે.

ચણાઃ

શેકેલા ચણા જો તમે યોગ્ય રીતે ચાવી ચાવીને ખાવ તો તેમાંથી ગજબની શક્તિ મળે છે. સૂકા ચણામાં કાર્બોહાઈડ્રેટ, પ્રોટીન, મિનરલ્સ, ફાઈબર્સ, કેલ્શિયમ, આયર્ન અને વિટામિન્સ હોય છે. પલાળેલા ચણા સાથે હૂંફાળુ દૂધ પીવાથી તમે હંમેશા સ્વસ્થ રહી શકશો.

ટમેટાઃ

ટમેટાની પેસ્ટમાં મધ નાંખીને સવારે નાસ્તા પહેલા એક કલાક અગાઉ ખાઈ લો. આમ કરવાથી સેક્સને લગતી તમારી કોઈપણ સમસ્યા હલ થઈ જશે અને સંભોગ શક્તિ પણ વધશે. આ સાથે તમારા શરીરની નબળાઈ પણ દૂર થશે. ટમેટુ ખાવાથી કેન્સરનો ખતરો પણ દૂર થઈ જશે.

અખરોટઃ

અખરોટમાં સ્પર્મને મજબૂત બનાવવાનો ગુણ હોય છે. સ્પર્મમાં શુક્રાઓની સમસ્યા, શુક્રાણુઓનું આયુષ્ય, ગતિશીલતા અને તેની સ્પીડમાં વધારો કરે છે. તે યૌનશક્તિમાં નબળાઈ પણ દૂર કરે છે. તાકાત વધારવા માટે અખરોટનુ સેવન ઘણું ફાયદાકારક છે.

ઈંડુઃ

ઈંડાના પીળા હિસ્સામાં અનેક ગુણ હોય છે. તે પુરૂષો માટે ઘણુ મદદગાર સાબિત થાય છે. ખાસ કરીને જિમમાં જઈને એબ્સ બનાવનારા પુરુષો માટે ઈંડા ફાયદાકારક છે. તેમાં કેલ્શિયમ, પ્રોટીન પુષ્કળ માત્રામાં હોય છે જે સ્વાસ્થ્ય સંબંધી મુશ્કેલીઓને દૂર કરે છે. કેટલાંય લોકો બોઈલ્ડ એગ્સ ખાય છે અને તેનો પીળો ભાગ નથી ખાતા. પરંતુ ઈંડાનો પીળો ભાગ ઘણો ફાયદાકારક હોય છે.

source: iamgujarat.com

રોજ આટલુ ખાશો તો હંમેશા યુવાન રહેશો, ઊંમર વધતી અટકી જશે