જીવનમાં અનેક એવા કર્તવ્યો છે જેનું પાલન કરવું વ્યક્તિ માટે ખૂબ જ મહત્વપૂર્ણ રહે છે. આ કર્તવ્યોના પથ ઉપર ચાલીને વ્યક્તિ સુખી અને હેલ્દી લાઈફ જીવી શકે છે. નીચે કેટલાક એવા કર્તવ્યો બતાવ્યા છે જેના પાલનથી વ્યક્તિ સફળ જીવન જીવી શકે છે સાથે જેટલી પણ લાઈફ જીવે છે તેમા જ મૃત્યુ વખતે તે સંતોષ સાથે જીવ ગુમાવે છે. જાણો આ કર્તવ્યો જેનાથી પછી જીઓ તમે કેટલો સંતોષ મેળવી શકો છો...

  1. ઇશ્વર એક છે, સર્વ શક્તિમાન છે અને સર્વસમર્થ છે.
  2. એક જ ઇશ્વરને સંસારમાં અલગ-અલગ નામોથી બોલાવવામાં આવે છે. વ્યક્તિ ઇશ્વરને ભગવાન, અલ્લાહ, પરમાત્મા, વાહે ગુરુ જેવા જુદા-જુદા નામોથી સંબોધન કરે છે.
  3. સત્ય, દયા, અહિંસા, પ્રેમ, સેવા, પરોપકાર, ત્યાગ, સાદગી જેવા ઉત્તમ માનવીય આદર્શોને જીવનમાં ઉતારવા એ હિંદુ ધર્મની ઓળખ છે.
  4. દરેક મનુષ્ય તેમજ અન્ય જીવોમાં પણ પોતાનું રુપ જોવું તેમજ પ્રેમ અને ભાઇચારા સાથે જીવન જીવવું એ જ મનુષ્યનો ધર્મ છે.
  5. સંસારના સુખ-વૈભવ તેમજ ભોગ વિલાસ નષ્ટ થવાના છે તેમ માનીને તેમાં મન ન પરોવવું.
  6. આત્માને જ પોતાનું વાસ્તવિક સ્વરુપ ગણી શારીરિક સુખ કે ભોગવિલાસમાં જીવનને વ્યર્થ ન બનાવવું.
  7. અન્યોમાં દોષ ન જોતાં પોતાના દુર્ગુણોને શોધવા તેમજ દૂર કરવા.
  8. આત્મા જ મનુષ્યનું વાસ્તવિક સ્વરુપ છે, આત્મા અમર છે. મૃત્યુ સમયે માત્ર શરીર બદલાય છે, આત્મા અમર તેમજ અવિનાશી છે.
  9. સેવા, પરોપકાર તેમજ સદ્કર્મો દ્વારા માનવ જીવનના અંતિમ લક્ષ્યો જેવા કે પૂર્ણતા, મોક્ષ, નિર્વાણ, આત્મજ્ઞાનને પામવામાં આવે છે.
  10. પૂર્ણતા, પવિત્રતા, નૈતિકતા તેમજ સાદગીપૂર્ણ જીવન જીવી જીવનના અંતિમ લક્ષ્ય માટે પ્રયાસ કરવો એ મનુષ્યનું કર્તવ્ય છે.
  11. પોતાના અંગત લાભ કે સ્વાર્થને ભૂલી પરોપકાર તેમજ વિશ્વ કલ્યાણ માટે પ્રયાસ કરવો એ મનુષ્યનું કર્તવ્ય છે.
  12. ગાય, ગંગા, ગીતા, ગાયત્રી, વેદ અને રામાયણ અત્યંત પવિત્ર છે તેમજ દરેક હિંદુ માટે પૂજ્ય છે.
  13. માતા-પિતા, ગુરુ, વિદ્વાનો, વડીલો, સંતો, મહાપુરુષો, બ્રાહ્મણો તેમજ આચાર્યોની સેવા અને સન્માન કરવું તે દરેક હિંદુનું કર્તવ્ય છે.
  14. વ્રત, ઉપવાસ, તપ, ત્યાગ, પ્રેમ, યોગ વગેરેના માધ્યમ દ્વારા શારીરિક તેમજ માનસિક પવિત્રતા પ્રાપ્ત કરવી જોઇએ.
  15. સાંસારિક જીવન અસ્થાયી છે. શરીરનું મૃત્યુ નિશ્વિત છે. માટે આત્મા તેમજ આત્મજ્ઞાનની શોધ દરેક મનુષ્ય માટે અત્યંત આવશ્યક છે.
source: divyabhaskar.co.in

આ 15 અત્યંત જરૂરી કર્તવ્યો, વ્યક્તિએ હંમેશા યાદ રાખવા જોઈએ


હિંદુ ધર્મમાં પૂજા-પાઠ સાથે જોડાયેલ ઘણા નિયમ છે. તેમાંના કેટલાક નિયમો વૈદિક કાળથી ચાલ્યા આવે છે. જે લોકો પૂજા-પાઠમાં વિશ્વાસ રાખે છે, તેમના માટે આ જાણવું ખૂબજ જરૂરી છે કે, દરેક પૂજન પહેલાં સ્વસ્તિચાચન જરૂર કરવું જોઇએ. આ મંગળ પાઠ બધાં જ દેવી-દેવતાઓને જાગૃત કરે છે.

સ્વાસ્તિવાચનનું મહત્વ:
ઉજૈનના જ્યોતિષાચાર્ય પં. મનીષ શર્મા અનુસાર, સ્વસ્તિક મંત્ર શુભ અને શાંતિ માટે બોલવામાં આવે છે. સ્વસ્તિ= સુ+અસ્તિ= કલ્યાણ. એવું માનવામાં આવે છે કે, તેનાથી હ્રદય અને મન મળે છે. મંત્રોચાર કરતી વખતે ધરો (દુર્વા)થી જળ છાંટવામાં આવે છે. એમ મનાય છે કે, તેનાથી ઘરમાંથી નેગેટિવ એનર્જી ખતમ થાય છે અને ઘરમાં સુખ-સમૃદ્ધિ આવે છે. સ્વસ્તિ મંત્રનો પાઠ કરવાની ક્રિયા 'સ્વસ્તિવાચન' કહેવાય છે.

સ્વસ્તિવાચન મંત્ર

જગતના કલ્યાણ માટે, પરિવારના કલ્યાણ માટે, શુભ વચન કહેવાં એ જ સ્વસ્તિવાચન છે. મંત્ર બોલતાં ન આવડતો હોય તો, પોતાની ભાષામાં શુભ પ્રાર્થના કરી પૂજા શરૂ કરવી જોઇએ.

ऊं शांति सुशान्ति: सर्वारिष्ट शान्ति भवतु।
ऊं लक्ष्मीनारायणाभ्यां नम:। ऊं उमामहेश्वराभ्यां नम:।
वाणी हिरण्यगर्भाभ्यां नम:। ऊं शचीपुरन्दराभ्यां नम:।
ऊं मातापितृ चरण कमलभ्यो नम:। ऊं इष्टदेवाताभ्यो नम:।
ऊं कुलदेवताभ्यो नम:।ऊं ग्रामदेवताभ्यो नम:।
ऊं स्थान देवताभ्यो नम:। ऊं वास्तुदेवताभ्यो नम:।
ऊं सर्वे देवेभ्यो नम:। ऊं सर्वेभ्यो ब्राह्मणोभ्यो नम:।
ऊं सिद्धि बुद्धि सहिताय श्रीमन्यहा गणाधिपतये नम:।
ऊं स्वस्ति न इन्द्रो वृद्धश्रवाः।
स्वस्ति नः पूषा विश्ववेदाः।
स्वस्ति नस्तार्क्ष्यो अरिष्टनेमिः।
स्वस्ति नो ब्रिहस्पतिर्दधातु ॥
ऊं शान्तिः शान्तिः शान्तिः ॥

source: divyabhaskar.co.in

ધનલાભ મેળવવા કે ઘરના દોષો દૂર કરવા પૂજા પહેલાં અચૂક બોલવો જોઈએ આ મંત્ર


શુકનશાસ્ત્ર અને લોકમાન્યતાઓમાં કેટલાય શુભ અને અશુભ શુકનોની ચર્ચા કરવામાં આવી છે. ચાલો જાણીએ કેટલાક એવા જ શુભ શુકનો વિશે જે તમારી કિસ્મત ખોલવાના સંકેત આપે છે.

- સપનામાં ભગવાનના દર્શન થવા કોઈ મોટી મનોકામના પૂરી થવાના સંકેત આપે છે.

- દૂધ ગરમ કરતી વખતે અચાનક ઉભરાય જાય તો તે શુભ શુકન માનવામાં આવે છે.

- કોઈ કામથી જઈ રહ્યા હોવ અને લાલ રંગના વસ્ત્રોમાં કોઈ સ્ત્રી દેખાઈ તો સફળતા અને ધનલાભ થશે એવું માનવામાં આવે છે.

- કુતરો મોંમાં હળદર લાગેલા માંસનો ટુકડો લીધેલો દેખાય તો તમે જે કામ માટે જઈ રહ્યા છો તેમાં સફળતા મળવાના સંકેત છે.


- કોઈ કામ માટે બહાર જઈ રહ્યા હોવ અને સામે મોર નૃત્ય કરતા દેખાય જાય તો સમજવું કે તમારી યાત્રા સફળ થશે.

- પોકેટમાં પૈસા રાખતી વખતે પડી જાય તો તેને શુભ શુકન માનવામાં આવે છે. આ સંકેત છે કે તમને ધન પ્રાપ્તિ થવાની છે.

- ઘોડો પોતાના દાંતથી ડાબા ભાગને ખંજવાળતો દેખાય તો કામમાં સફળતા પ્રાપ્ત થાય છે. જો આર્થિક લેવડ-દેવડ માટે જઈ રહ્યા હોવ તો લાભ મળશે. ઘોડો સામેથી દોડતો દેખાઈ દે તો પણ તે શુભ શુકન હોય છે.

- શુકનશાસ્ત્ર મુજબ સવારના સમયે જો તમે ક્યાંય જઈ રહ્યા હોવ અને કોઈ કાગડો ઉડતો-ઉડતો આવીને તમારા પગને સ્પર્શ કરી જાય તો તે ખૂબ જ શુભ શુકન હોય છે. તેનાથી જીવનમાં પ્રગતિ મળે છે. ધનલાભ મળે છે અને શત્રુઓ પર વિજય પ્રાપ્ત થાય છે.

- સાપ જો તમારા ઘરના બારણાં પર આવીને પૂંછ પટકે અથવા શિવલિંગમાં વીંટેલો દેખાય જાય તો સમજી લેજો હવે લક્ષ્મી તમારા ઘરે આવવાની છે.

- શુભ કામ પર જતી વખતે કિન્નર દેખાઈ જાય તો શુભ શુકન થાય છે. કિન્નરને તમે પૈસા આપો અને તેમાંથી થોડા પૈસા કિન્નર પાછા તમને આપી દે તો તેને સાંચવીને રાખો. જમા કરેલા ધનમાં વૃદ્ધિ થાય છે.

- ગરોળી જમણી તરફથી ચડીને ડાબી તરફ ઉતરતી હોય તો તે શુભ શુકન હોય છે. આ પ્રગતિ અને ધનલાભના સંકેત આપે છે.

- સપનામાં સ્વયંને ટાલવાળાં જુઓ તો તે ધન પ્રાપ્તિના શુભ સંકેત માનવામાં આવે છે.

- રસ્તામાં નોળિયો દેખાય તો તેને ધનલાભના સંકેત સમજવા. તેમજ તેને શત્રુઓથી બચવાના પણ સંકેત માનવામાં આવે છે.

- ગધેડો તમારી ડાબી તરફ અવાજ કરે તો તે પણ શુભ શુકન છે જે તમને ધનલાભ મળવાના સંકેત માનવામાં આવે છે.


- જમણાં હાથમાં સતત ખંજવાળ થતી રહેતી હોય તો તેને પણ ધન પ્રાપ્તિના સંકેત માનવામાં આવે છે.

source: divyabhaskar.co.in

આ 15માંથી કોઈ 1 શુકન થાય તો સમજી લેજો જાગી રહ્યું છે તમારું ભાગ્ય


હિન્દુ ધર્મમાં મંત્રોનું વિશેષ મહત્વ છે. મંત્રોના માધ્યમથી અનેક મુશ્કેલ કાર્ય પણ સરળતાથી કરી શકાય છે. આપણાં ઋષિ-મુનિઓએ દૈનિક જીવન સાથે જોડાયેલા દરેક કામ પહેલાં કે પછી એક વિશેષ મંત્ર બોલવાનું વિધાન બનાવ્યું છે, પરંતુ બદલતાં સમયની સાથે આપણે આ પરંપરાથી દૂર થઇ રહ્યા છીએ. આજે અમે તમને 10 એવા મંત્રો વિશે જણાવી રહ્યા છીએ જે સવારે ઉઠવાથી લઇને રાતના સૂતા પહેલાં દરેક વ્યક્તિએ બોલવો જોઇએ. આ 10 મંત્ર આ પ્રકારે છે.

1. સવારે ઉઠતાની સાથેજ બન્ને હથેળી જોઇને આ મંત્ર બોલવો:
કરાગ્રે વસતે લક્ષ્મી, કરમુલે સરસ્વતી ।
કરમધ્યે તું ગોવિંદા, પ્રભાતે કર દર્શનમ ॥

૨. ધરતી ઉપર પગ રાખતા પહેલા આ મંત્ર બોલવો:
સમુદ્રવસને દેવી પર્વતસ્તન મંડલે ।
વિષ્ણુપત્ની નમસ્તુભ્યમં પાદસ્પશં ॥

3. દાતણ કરતા પહેલા આ મંત્ર બોલો:
આયુર્બલં યશો વર્ચ: પ્રજા:
યશુવસુની ચ બ્રમ્હ પ્રજ્ઞાં
ચ મેઘા ચ ત્વન્નો દેહી વનસ્પતે ॥

4. સ્નાન પહેલા બોલો આ મંત્ર:
ગંગે! ચ યમુને! ચૈવ ગોદાવરી!
સરસ્વતી! નર્મદે! સિંધુ! કાવેરી!
જલેસ્નીન્ સન્નિધિં કુરૂ ॥

5. સૂર્યને અધર્ય આપતા પહેલા બોલો આ મંત્ર:
ઓમ ભાસ્કરાય વિદ્મહે, મહાતેજાય
ધીમહી તન્નો સૂર્ય: પ્રચોદયાત ॥

6. ભોજન કરતા પહેલા બોલો આ મંત્ર:
ઓમ સહનાવવતુ સહનોભુનક્તુ, સહવીર્યમ કરવા વહે ।
તેજસ્વિના વધીતમસ્તુ, માં વિદ્વિષાવહે ॥

7. ભોજન કર્યા પછી બોલો આ મંત્ર:
અગસત્યમ કુંભકર્ણ ચ શનિં ચં, બડવાનલં ।
ભોજનં પરિપાકાર્થ સ્મરેત ભીમં ચ પંચમં ॥

8. અભ્યાસ કરતા પહેલા બોલો આ મંત્ર:
ઓમ શ્રી સરસ્વતી શુક્લવર્ણા સસ્મિતાં સુમનોહરામ
કોતીચન્દ્રપ્રભામુસ્ટપુસ્ટ શ્રીયુક્ત વિગ્રહામ્ ॥

9. સાંજે પૂજા કરતી વખતે બોલો આ મંત્ર:
ઓમ ભૂભૂર્વ: સ્વ: તત્સવિતુર્વરેણ્યં
ભર્ગો દેવસ્ય ધીમહિ ધિયો યો ન: પ્રચોદયાત્ ॥

10. રાતના સુતી વખતે બોલો આ મંત્ર:
અચ્યુતં કેશવમ વિષ્ણું હરી સોમં જનાર્દનમ્ ।
હસં નારાયણં કૃષ્ણં જપતે દુ:સ્વપ્રશાન્યતે ॥

source: divyabhaskar.co.in

ઇશ્વરની અપાર કૃપા મેળવવા, દરરોજ સવારે ભુલ્યા વિના કરો આ 1 સરળ કામ


બજરંગબલીને રામ ભક્તની સાથે કષ્ટ મોચક પણ માનવામાં આવે છે. જો સાચા મનથી અને પૂરી શ્રદ્ધાથી જાપ કરવામાં આવે તો ડર દૂર કરીને કોઇપણ પ્રકારના હાલાતનો સામનો કરવાનું સાહસ પ્રદાન કરે છે. ચૈત્ર માસની પૂર્ણિમાના રોજ હનુમાનજીનો જન્મ થયો હોવાથી આ દિવસે શ્રી હનુમાન જયંતી મનાવવામાં આવે છે.

પૂજા વખતે આ ધ્યાન રાખવું
મહાવીર હનુમાનને મહાકાલ શિવના 11મા રૂદ્ર અવતાર માનવામાં આવે છે. એમની વિધિવત ઉપાસના કરવાથી તમામ કષ્ટનો નાશ થાય છે. ધ્યાન રાખવું કે કાળાં કે સફેદ વસ્ત્ર ધારણ કરીને હનુમાન જીની પૂજા ન કરવી જોઇએં. આવું કરવાથી પૂજા પર નકારાત્મક પ્રભાવ પડે છે. લાલ કે પીળા વસ્ત્ર પહેરીને જ હનુમાનની પૂજા કરવી. જો રાશિ મુજબ હનુમાન જયંતી પર બજરંગબલીની પૂજા કરવામાં આવે તો તેનું ઉત્તમ ફળ મળતું હોય છે. જ્યોતિષના જાણકાર સુજીત મહારાજ જણાવે છે કે કઇ રાશિના જાતકોએ કેવી રીતે હનુમાન પૂજન કરવું જોઇએ.

મેષ
આ રાશિના સ્વામી મંગળ છે. મંગળથી સંબંધિત દ્રવ્ય કંકૂ હનુમાનજીને લગાવવામાં આવે તો આ રાશિના જાતકોની અધૂરી ઇચ્છા પૂરી થાય છે. મંગળનો સંબંધ લોહીથી પણ છે. ડાયાબિટીસ કે બ્લડ પ્રેશરની સમસ્યા હોય તો હનુમાનજીને સવા કીલો લાડવા ચઢાવવાથી કષ્ટોમાંથી મુક્તિ મળે છે.

વૃષભ
આ રાશિના સ્વામી શુક્ર છે. 24 કલાક સુધી સુગંધિત અગરબત્તી અને ઘીનો દીવો પ્રગટાવી રાખવો. અભ્યાસમાં નબળા હોય તેવા જાતકોએ આ દિવસે શ્રી હનુમાનાષ્ટકનો પાઠ કરવો. ચમેલીના તેલમાં ગુલાલ લગાવી હનુમાનજીને અર્પણ કરો.

મિથુન
આ રાશિના સ્વામી બુધ છે. લાલ પુષ્પની સાથે અપરાજિતાનું પુષ્પ હનુમાન જીને ચઢાવો અને એમને વસ્ત્ર અર્પણ કરો. જે લોકો રોગથી પરેશાન છે તેઓ શ્રી હનુમાન બાહુકનો પાઠ કરો. વિદ્યાર્થી આ દિવસે હનુમાનના મંદિરે એક ધાર્મિક પુસ્તકનું દાન કરવું.

કર્ક
આ રાશિના સ્વામી ચંદ્રમા છે. ચંદ્રમાનો સંબંધ ભગવાન શિવ સાથે પણ છે. તેથી રુદ્રાવતાર શ્રી હનુમાનજીને શિવપુરાણ અર્પણ કરો તથા એનો પાઠ કરો. લાલ પુષ્પ અને ચમેલીના ફૂલ અર્પણ કરો. શ્રી બજરંગ બાળનો પાઠ કરવો.

સિંહ
આ રાશિના સ્વામી સૂર્ય છે. સૂર્ય શ્રી હનુમાનજીના ગુરુ પણ છે. શ્રી સુંદરકાંડની સાથે સાથે શ્રી આદિત્યહ્રદયસ્તોત્રનો પાઠ કરવો. શ્રી બજરંગબલીને પ્રસન્ન કરવા માટે શ્રી રામ નામનો જાપ કરો.

કન્યા
આ રાશિના સ્વામી બુધ છે. શ્રી હનુમાન ચાલીસાનો 108 વખત પાઠ કરવો. શ્રી રામરક્ષા સ્તોત્રનો પણ પાઠ કરવો.

તુલા
આ રાશિના સ્વામી શુક્ર છે. સુગંધિત અગરબત્તી પ્રગટાવી ઘીનો દીવો પ્રજ્જવલિત કરો અને લાલ પુષ્ત તથા કંકુ બજરંગબલીને ચઢાવો.

વૃશ્ચિક
આ રાશિના સ્વામી મંગળ છે. શનિના પ્રકોપથી બચવા માટે તલના તેલથી દીવો પ્રગટાવવો અને શ્રી સુંદરકાંડનો પાઠ કર્યા બાદ મંદિરમાં પ્રસાદ વહેંચવો.

ધન
આ રાશિના સ્વામી ગુરુ છે. શ્રી રામરક્ષા સ્તોત્રનો પાઠ કરવો. શ્રી હનુમાનજીને શ્રી રામ કથાનો કોઇ પ્રિય પ્રસંગ સંભળાવવો અને મંદિરમાં શ્રી રામચરિતમાનસનું દાન કરવું.

મકર
આ રાશિના સ્વામી શનિ છે. શનિના પ્રકોપથી બચવા માટે હનુમાનજી સમક્ષ તલના તેલનો દીપક પ્રગટાવી શ્રી સુંદરકાંડનો પાઠ કરવો.

કુંભ
આ રાશિના સ્વામી શનિ છે. આ રાશિના લોકો હનુમાનજીને રામ નામની માળા પહેરાવો. શ્રી હનુમાન ચાલીસાનો 108 વખત પાઠ કરવો.

મીન
આ રાશિના સ્વામી ગુરુ છે. શ્રી હનુમાન જયંતીના દિવસે સુંદરકાંડની સાથે સાથે શ્રી રામચરિતમાનસના અરણ્યકાંડનો પાઠ કરવો.

રાજનીતિમાં સફળતા મેળવવા માટે
આ પ્રકારે રાશિ મુજબ શ્રી હનુમાન જયંતીની પૂજા કરવાથી કષ્ટ સમાપ્ત થશે. જે જાતક વધુ બીમાર રહેતા હોય તેમણે આ દિવસે શ્રી હનુમાનબાહુકનો પાઠ જરૂર કરવો. અભ્યાસમાં ઉન્નતિ માટે શ્રી હનુમાનચાલીસાનો પાઠ કરવો. કોઇ વિશેષ ઉદ્દેશ્યની પ્રાપ્તિ માટે શ્રી બજરંગબાણનો પાઠ કરો. જે લોકો રાજનીતિમાં સફળતા મેળવવા માગતા હોય એમણે રાત્રે જાગરણ કરીને 9 વખત સુંદરકાંડનો પાઠ કરવો.

source: imgujrat.com

રાશિ પ્રમાણે કરો ભગવાન હનુમાનજીની પૂજા, આ હનુમાન જયંતિ નિમિત્તે


ગાયત્રીમંત્રનો મહિમા અપરંપાર છે. આ વાતથી સૌ કોઈ વાકેફ તો છે પરંતુ અપુરતા જ્ઞાનના કારણે તેનો પ્રયોગ કરતાં નથી. નાના બાળકોથી લઈ વૃદ્ધ સુધી સૌ કોઈને આ મંત્ર કંઠસ્થ હોય જ છે. પરંતુ તેમ છતાં આ મંત્રનો જાપ કરવાનું લોકો ચુકી જાય છે. આ મંત્રની એક માળા એટલે કે મંત્રના 108 જાપ તમારા ઘર, પરિવાર અને આવનારી પેઢીનું પણ તમામ પ્રકારની સમસ્યાઓથી રક્ષણ કરે છે.

બ્રહ્માજીના પત્ની તરીકે માતા ગાયત્રીનું પુરાણોમાં વર્ણન છે. ગાયત્રી અને ગાયત્રીમંત્ર બંને એકબીજાના પર્યાય જેવા છે. પરંતુ આ વાત તમે કદાચ જાણતા નહીં હોય કે આ મંત્ર એટલો શક્તિશાળી છે કે જો નિયમિત ગાયત્રીમંત્રની એક માળા પણ કરવામાં આવે તો અનેક અસાધ્ય રોગ સામે પણ શરીરનું રક્ષણ થાય છે. શરીરમાં ક્યારેય ભયંકર રોગ પ્રવેશતા નથી.


દેવમાતા ગાયત્રી જગતની પ્રાણશક્તિ છે. તેમની ઉપાસના કરવાથી બુદ્ધિ, બળ, એશ્વર્ય, ઊર્જા, શાંતિ, વૈભવ, ઉત્સાહ અને કામનાપૂર્તિ કરનાર માનવામાં આવે છે. માતા ગાયત્રીનું નિયમિત ધ્યાન અને સ્મરણ ભૌતિક અને આધ્યાત્મિક સુખ પ્રદાન કરે છે.

ગાયત્રી ઉપાસનામાં પણ ગાયત્રી મંત્ર મુખ્ય છે. ભાગ્યે જ કોઈ એવું હશે કે જેને ગાયત્રીમંત્રની ખબર ન હોય. આ મંત્રના પ્રભાવને વૈજ્ઞાનિકોએ પણ સ્વીકાર્યો છે. જે ઘરમાં દરરોજ ગાયત્રીમંત્રની એક માળા થતી હોય, તે ઘરમાં રિધ્ધી-સિધ્ધીનો સ્થાયી નિવાસ રહે છે. જો ઘરમાં દરેક વ્યક્તિ ગાયત્રીમંત્રની એક માળા કરતી હોય તો તેમની સાત પેઢી તરી જાય છે. તે કુટુંબના બાળકો પણ તેજસ્વી હોય છે.

source: sandesh.com

ગાયત્રી મંત્રમાં છે અદ્ભુત શક્તિ, જાણો નિયમિત જાપ કરવાના ફાયદા


પૂજા ઘરતી વખતે ભગવાનને અલગ-અલગ ફૂલ ચઢાવવામાં આવે છે. ફૂલોમાં સૌથી મહત્વનું ફૂલ છે ગુલાબ. ગુલાબ બધાં જ દેવી-દેવતાઓને ચઢાવવામાં આવે છે. ઉજ્જૈનની એસ્ટ્રોલોજર ડૉ. વિનિતા નાગરના જણાવ્યા અનુસાર લાંબા સમય સુધી ગુલાબના કેટલાક ખાસ ઉપાય કરવાથી, કુંડળીના દોષ અને દુર્ભાગ્ય દૂર થઈ શકે છે. અહીં ગુલાબના 7 ઉપાય જણાવવામાં આવ્યા છે.

પહેલો ઉપાય
દર શુક્રવારે મહાલક્ષ્મીના મંદિરમાં જાઓ અને દેવીને 11 ગુલાબ ચઢાવો. સાથે દેવી મંત્ર ऊँ महालक्ष्म्यै नम: નો 108 વાર જાપ કરો.

બીજો ઉપાય
નકારાત્મકતા દૂર કરવા માટે ઘરમાં રોજ સાંજે ગુલાબ પર કપૂરનો ટુકડો મૂકી સળગાવો.

ત્રીજો ઉપાય
સુખ-સમૃદ્ધિ જાળવી રાખવા માટે મંગળવારે લાલ ચંદન, લાલ ગુલાબ અને નારાસડીને એક લાલ કપડામાં બાંધી લો. ત્યારબાદ આ પોટલી કોઇ હનુમાન મંદિરમાં ભગવાનના ચરણમાં ધરાવી હનુમાનજીની પૂજા કરો. પૂજા બાદ આ પોટલી ઘરની તિજોરીમાં મૂકો.

ચોથો ઉપાય
મંગળ ગ્રહનો દોષ દૂર કરવા મંગળવારે શિવલિંગ પર લાલ ગુલાબ ચઢાવો.

પાંચમો ઉપાય
બીમારીઓમાંથી મુક્તિ મેળવવા માટે એક પાન પર ગુલાબ અને થોડાં પતાસાં મૂકો. હનુમાનજીનું ધ્યાન ધરતાં-ધરતાં રોગીના માથાથી પગ સુધી 31 વાર વાળી લો. ત્યારબાદ આ પાન કોઇ ચાર રસ્તા પર મૂકી આવો.

છઠ્ઠો ઉપાય
એક પાનમાં ગુલાબની 7 પાંખડીઓ મૂકો અને દેવી દુર્ગાને ચઢાવો. આ ઉપાયથી કુંડળીના ઘણા દોષ દૂર થઈ શકે છે.

સાતમો ઉપાય
બધી જ મનોકામનાઓ પૂરી કરવા માટે દર મંગળવાર અને શનિવારે હનુમાનજીને 11 ગુલાબ ચઢાવો અને ऊँ रामदूताय नम: મંત્રનો 108 વાર જાપ કરો. આ ઉપાયથી ઘણી મુશ્કેલીઓ દૂર થઈ શકે છે.

source: divyabhaskar.co.in

રોજ સાંજે ગુલાબ પર કપૂરનો ટુકડો મૂકી સળગાવો, 7 ઉપાયથી દૂર થશે દુર્ભાગ્ય


ઘરની નકારાત્મકતા દૂર કરવા ધૂપ કરવાની પરંપરા બહુ જૂની છે. ઘરમાં ધૂપ કરવાથી પિતૃઓની કૃપા મળી રહે છે. જેનાથી વાસ્તુના પણ ઘણા દોષ દૂર થઈ શાકે છે. ધૂપની અસરથી મને શાંતિ અને પ્રસન્નતા મળે છે. ઘરમાં ધૂપ કરવા માટે અલગ-અલગ વસ્તુઓનો ઉપયોગ કરવામાં આવે છે. ઉજૈનના જ્યોતિષાચાર્ય પં. દયાનંદ શાસ્ત્રી જણાવી રહ્યા છે, ઘરમાં કઈ-કઈ વસ્તુઓનો ધૂપ કરી શકાય છે.

1- કપૂર અને લવિંગ: રોજ સવાર-સાંજ વાટકીમાં કે કોડિયામાં મોટા દીવા સાથે કપૂર અને લવિંગ સળગાવો. આરતી બાદ કપૂર સળગાવવાથી વાસ્તુદોષ ખતમ થાય છે અને ધનની મુશ્કેલીઓ દૂર થાય છે.

2- ગુગળનો ધૂપ: અઠવાડિયામાં એકવાર ઘરમાં છાણાં સળગાવી ગુગળનો ધૂપ કરવો જોઇએ. તેનાથી ફેલાથી સુગંધ ઘરની અશાંતિ દૂર કરશે અને સકારાત્મકતા ફેલાવશે.

3- પીળી સરસો: પીળી સરસો, લોબાન, ગાયનું ઘી એકસાથે મિક્સ કરી સૂર્યાસ્ત સમયે છાણાં સળગાવી ધૂપ કરવાથી ઘરની નકારાત્મકતા દૂર થશે.

4- મંદિરમાં ઘીનો દીવો: ઘરમાં પૈસા ટકતા ન હોય તો, સવાર-સાંજ મહાકાળીનું ધ્યાન ધરી મંદીરમાં ઘીનો દીવો કરવો. દર શુક્રવારે માં કાલીના મંદીરમાં પૂજા કરવી.

5- લીમડાનાં પાન: અઠવાડિયામાં 1-2 વાર લીમડાનાં પાનનો ધૂણો કરવો. તેનાથી વાતાવરણમાં રહેલ જીવાત નાશ પામશે અને વાસ્તુદોષ પણ સમાપ્ત થશે.

6- ચંદન-ઇલાઇચી: ઘરમાં રોજ ચંદન, ઈલાયચી, કપૂર અને ગુગળનો ધૂપ કરવાથી દેવી-દેવતાઓ ઘર તરફ આકર્ષિત થાય છે.

7- લોબાન ધૂપ: સળગતા છાણા કે અંગારા સાથે લોબાનનો ધૂપ કરવામાં આવે છે. આ ધૂણાથી ઘરની નકારાત્મકતા દૂર થાય છે.

source: divyabhaskar.co.in

સંધ્યાકાળે વાટકીમાં સળગાવો આ 7માંથી 1 વસ્તુ, ઘરમાંથી દૂર ભાગશે ગરીબી


ભગવાન ગણેશ પ્રથમ પૂજ્ય દેવ છે. શિવપુરાણ અનુસાર ભગવાન શિવે ગણેશજીને પ્રથમ પૂજ્ય દેવ તરીકેનું વરદાન આપ્યું છે. આ જ કારણે કોઇપણ કામની શરૂઆતમાં ગણેશજીની વિશેષ પૂજા કરવામાં આવે છે. ગીતાપ્રેસ ગોરખપુર દ્વારા પ્રકાશિત શ્રીગણેશ અંક ગણેશજીને જ સમર્પિત છે. આ ગ્રંથમાં ગણપતિજીના જીવનની બધી જ ઘટનઓ અને ઉપાયોનું વર્ણન કરવામાં આવ્યું છે.

શ્રીગણેશ અંકમાં એવાં 12 નામો વિશે જણાવવામાં આવ્યું છે, જેનો રોજ સવારે જાપ કરવાથી ગણેશજીની વિશેષ કૃપા મળે છે અને ઘરમાં સુખ-સમૃદ્ધિ વધે છે. ગણેશજીનાં આ 12 નામનો જાપ કરવાથી બધાં જ દુ:ખોનો નાશ થાય છે. અહીં જાણો આ 12 નામોનો મંત્ર.

प्रथमं वक्रतुण्ड च एकदन्तं द्वितीयकम्, तृतीयं कृष्णपिड्गाक्षं गजवक्त्रं चतुर्थकम्।।
लम्बोदरं पंचमं च षष्ठं विकटमेव च, सप्तमं विघ्नराजेन्द्रं धूम्रवर्ण तथाष्टमम्।।
नवमं भालचन्द्रं च दशमं तु विनायकम्, एकादशं गणपतिं द्वादर्श तु गजाननम्।।
द्वादशैतानि नामानि त्रिसंध्यं यः पठेन्नरः, न च विध्नभयं तस्य सर्वसिद्धिकरं परम्।।


ઉજૈનના ઈંદ્રેશ્વર મહાદેવના પુજારી પં. સુનીલ નાગરના જણાવ્યા અનુસાર આ મંત્રનો રોજ સવારે જાપ કરવો જોઇએ. તેના જાપથી ગણેશજીની પૂજા જેટલું જ પુણ્ય મળે છે.

જો તમે આ મંત્રનો જાપ ન કરી શકતા હોય તો, મંત્રમાં જણાવેલ ગણેશજીનાં 12 નામનો પણ જાપ કરી શકો છો. પહેલું નામ વક્રતુળ્ડ, બીજુ એકદંત, ત્રીજુ કૃષ્ણપિડ્ગાક્ષ, ચોથુ ગજવક્ત્ર, પાંચમું લંબોદર, છઠ્ઠું વિકટ, સાતમું વિધ્નરાજેન્દ્ર, આઠમું ધૂમવર્ણ, નવમું ભાલચંદ્ર, દસમું વિનાયક, અગિયારમું ગણપતિ અને બારમુ ગજાજન છે.

જે વ્યક્તિ રોજ સવારે ગણેશજીનાં આ 12 નામનો જાપ કરે છે, ગણેશજી તેનાં બધાં જ વિઘ્નો દૂર કરે છે.

કેવી રીતે કરવો આ મંત્રનો જાપ:
રોજ સવારે જલદી ઊઠી પોતાની બંન્ને હથેળીઓનાં દર્શન કરવાં. ત્યારબાદ સ્નાન કરી ચોખ્ખાં કપડાં ધારણ કરી ઘરના મંદિરમાં ગણેશજીની પૂજા કરે અને 12 નામવાળા મંત્રનો જાપ કરો. આ મંત્રનો જાપ ઓછામાં ઓછો 11 વાર કરવો અથવા આ નામોનો જાપ 108 વાર કરવો.

source: divyabhaskar.co.in

ગમે તેવી સમસ્યા ભાગશે દૂર, રોજ સવારે કરો ગણેશજીનાં આ 12 નામનો જાપ


પ્રાચીન પરંપરાઓ અનુસાર સાંજે કેટલીક ખાસ જગ્યાએ દીવો કરવાથી ઘરની દરિદ્રતા દૂર થાય છે અને ઘરમાં માતા લક્ષ્મીનું આગમન થાય છે. તમે પણ ધન સંબંધિત બધી જ સમસ્યાઓ હલ કરવા ઇચ્છતા હોય અને ઘરમાંથી ગરીબીને કાયમ માટે વિદાય આપવા ઇચ્છતા હોય તો, રોજ સાંજે અહીં જણાવેલ 5 જગ્યાએ અચૂક દીવો કરો, બહુ જલદી મળવા લાગશે ફળ.

નકારાત્મકતા અને અંધકાર દૂર થાય છે

મહાલક્ષ્મી પણ પ્રસન્ન થાય છે

મહાલક્ષ્મીનું આગમન થાય છે

શનિ, રાહુ અને કેતુના દોષ દૂર થાય છે

દેવી-દેવતાઓની કૃપા પ્રાપ્ત થાય છે

source: divyabhaskar.co.in

ઘરમાંથી કાયમ માટે વિદાય થઈ જશે ગરીબી, રોજ સાંજે દીવા કરો આ 5 જગ્યાએ