WHOની રિપોર્ટ અનુસાર, પર્યાવરણમાં વધતા અવાજ પ્રદૂષણથી સ્વાસ્થય પર ખરાબ અસર પડે છે. તો જાણ લો બગડતા મહાલોમાં મૌન રહેવું કેટલું ફાયદાકારક છે. તણાવથી બચવુ છે તો મૌન રહેતા શીખો. અમે જણાવીશું ચૂપ રહેવાના 5 જાદુઈ ફાયદા વિશે..

તણાવ ઓછો કરે છે
ભાગમભાગવાળી જિંદગીમાં માનસિક તણાવ હોવો સામાન્ય બાબત બની છે. સતત આ માનસિક તણાવની અવસ્થામાંથી પસાર થયા બાદ, અનેક નકારાત્મક બદલાવ થતા રહે છે. તેનાથી નિર્ણય લેવાની ક્ષમતા, રચનાત્મકતા અને ફોકસ પર અસર પડે છે. આ પરિસ્થિતિથી બચવા માટે શાંતિ અને મૌન રહેવું જરૂરી છે. તેનાથી તમારી ઊર્જા બચે છે અને ફરીથી વધુ સારુ કામ કરવાની તાકાત મળે છે.

ગંભીર બીમારીથી બચાય છે
ડિપ્રેશન અને અલ્ઝાઈમર જેવી ગંભીર બીમારીમાં મૌન રહેવુ અથવા શાંત રહેવું બહુ જ સારુ છે. આવુ કરવાથી દિમાગના તે હિસ્સામાં નવા સેલ બને છે, જે યાદશક્તિ, ભાવના અને શીખવા સાથે જોડાયેલ છે.

સારા શ્રોતા બનાવે છે
જો તમને ધ્યાન કેન્દ્રિત કરવામા સમસ્યા થઈ રહી છે, તો દિવસમાં માત્ર 3 મિનીટ શાંત રહેવાનું શરૂ કરી દો. તેનાથી ન માત્ર ઓફિસમા, પરંતુ વ્યક્તિગત સંબંધોમાં પણ સુધારો આવશે.

મદદ મળશે
વ્યવસાયી જિંદગીમા કંપનીઓની આશા વધી ગઈ છે. તેથી તે કર્મચારીઓની વધુ સારો માહોલ આપવાનો પ્રયાસ કરે છે. કર્મચારીઓને રાહત આપવા માટે ઓફિસોમાં એવી જગ્યાઓ તૈયાર કરવામાં આવી છે, જ્યાં તેઓ થોડા સમય માટે આરામ કરી શકે. કામમાં વ્યસ્ત રહો છો, તો તમારા માટે થોડો સમય કાઢો.

ભાવુકતાથી દૂર રહો
અનેકવાર જિંદગીમાં માહોલ વધુ પડતો ભાવુક થઈ જાય છે. આવામાં પોતાને સંભાળવાની અને પોતાના માટે તાર્કિક નિર્ણયો લેવાની જરૂર છે, જેનાથી તમે શાંત રહી શકો છો. થોડા સમય માટે મૌન ધારણ કરવાથી અસ્થિર પળોમાં પોતાની જાતને સ્થિર કરવામાં મદદ મળે છે.

source: sandesh.com

બડબડ કરવાનું છોડી મૌન રહેતા શીખો, ચૂપ રહેવાના છે જાદુઈ આવા ફાયદા


દરરોજ વર્કઆઉટ કર્યા બાદ પણ જો તમારા શરીરમાં નબળાઈ રહેતી હોય અથવા તમે બહુ જલ્દી બીમાર થઈ જતાં હોવ તો એનો મતલબ છે કે તમારે તમારા આહાર પર ધ્યાન આપવાની જરૂર છે. એટલે કે તમારે એવા ખોરાક લેવાની જરૂર છે જેનાથી તમને ભરપૂર તાકાત મળે અને સ્ટેમિના વધે. જે ન માત્ર તમને શક્તિવાન બનાવે પરંતુ તમારી ઈમ્યૂન સિસ્ટમને પણ મજબૂત બનાવે. જેથી આજે અમે તમને એવી 7 વસ્તુઓ વિશે જણાવીશું જે નિયમિત ખાવાથી તમે તાકાતવાન અને સ્વાસ્થ્યવર્ધક બનશો અને તમારા શરીરને ભરપૂર ઊર્જા મળશે.

1. ચીઝ

ક્યારે ખાવું- બ્રેકફાસ્ટમાં અથવા સાંજે નાસ્તામાં ખાવું
કેમ ખાવું- ચીઝની લગભગ 300 જાતની વેરાઈટી હોય છે અને બધાંમાં સારી માત્રામાં કેલ્શિયમ, ફોસ્ફરસ, ઝિંક, પ્રોટીન અને વિટામિન ડી, એ અને બી12 હોય છે. જે દાંતને તંદુરસ્ત રાખવા માટે પણ અત્યંત લાભકારક હોય છે. સાથે કેલ્શિયમ હોવાને કારણે હાડકાં માટે પણ ચીઝ બહુ જ ફાયદાકારક હોય છે. તેમાં રહેલું પ્રોટીન શરીરના હોર્મોન્સ અને એન્જાઈમ (પ્રોટીનથી બનનારાં સેલ્સ)ને પણ બેલેન્સમાં રાખે છે. ત્યાં ચીઝમાં રહેલું ઝિંક શરીરને હાર્ટ, કિડની અને લંગ્સ ઈન્ફેક્શનથી બચાવે છે.

2. સ્પ્રાઉટ્સ

ક્યારે ખાવા- રોજ સવારે બ્રેકફાસ્ટમાં ખાવા
કેમ ખાવું- સ્પ્રાઉટ્સમાં શાકભાજી અને ફળો કરતાં 100 ગણું વધારે એન્જાઈમ (પ્રોટીનથી બનનારા સેલ્સ, જેનાથી આખું શરીર કામ કરે છે) હોય છે. તેમાં કેટલાક પ્રકારના પ્રોટીન, વિટામિન, મિનરલ્સ હોય છે જે શરીરની બીમારીઓને દૂર રાખે છે અને શરીરને તંદુરસ્ત અને ઊર્જાસભર બનાવે છે. ખાસ કરીને વિટામિન બી બહુ જ ફાયદાકારક હોય છે. સ્પ્રાઉટ્સમાં વિટામિન બી1, બી2 અને વિટામિન બી3 હોય છે. જે આપણા શરીર માટે બહુ જરૂરી હોય છે.

3. ફિશ

ક્યારે ખાવી- લંચ અથવા ડિનરમાં ખાઈ શકાય
કેમ ખાવી- તમામ પ્રકારની માછલીઓમાં ભરપૂર માત્રામાં પ્રોટીન અને મિનરલ્સ હોય છે, ત્યાં સેમન, ટુના, ટ્રોટ અને સરડિન્સ વગેરે માછલીઓમાં ઓમેગા-3, વિટામિન ડી અને કેલ્શિયમ ભરપૂર માત્રામાં હોય છે.  આ જ કારણથી માછલી અનેક બીમારીઓ જેમ કે કેન્સર, દિલ સંબંધી બીમારી, આર્થ્રાઈટિસ, ડ્રિપેશન વગેરેથી શરીરનું રક્ષણ કરે છે. સાથે જ માછલી સ્કિન માટે પણ બહુ જ લાભકારક હોય છે.

4. દૂધ

ક્યારે પીવું- સૂતા પહેલાં અને સવારે બ્રેકફાસ્ટમાં લેવું
કેમ પીવું- દૂધને સંપૂર્ણ આહાર કહેવાય છે અને તેમાં ભરપૂર માત્રામાં કેલ્શિયમ હોય છે. જે માત્ર બાળકો માટે જ નહીં પરંતુ મોટાઓ માટે પણ બહુ જ ફાયદાકારક હોય છે. દૂધ દાંત માટે પણ બહુ સારું માનવામાં આવે છે કારણ કે દૂધમાં રહેલું કેલ્શિયમ અને ફોસ્ફરસ નવા દાંત આવવામાં મદદ કરે છે અને જુના દાંતને સ્વસ્થ રાખે છે. દૂધ હાઈ બ્લડપ્રેશરને કંટ્રોલ કરે છે અને સ્થૂળતાને ઘટાડવામાં પણ મદદ કરે છે. એટલું જ નહીં દૂધ કેન્સર, ડાયાબિટીસ અને ડિહાઈડ્રેશન જેવી સમસ્યાઓથી શરીરનું રક્ષણ કરે છે.

5. ઓરેન્જ જ્યૂસ

ક્યારે પીવું- રોજ સવારે બ્રેકફાસ્ટમાં પીવું
કેમ પીવું- સંતરાના જ્યૂસમાં ભરપૂર માત્રામાં કેલ્શિયમ, વિટામિન ડી, વિટામિન સી જેવા ન્યૂટ્રિશન હોય છે. સંતરામાં સૌથી વધારે વિટામિન સી હોય છે, જે શરીરમાં ઈન્ફેક્શનને ઘટાડે છે, બ્લડપ્રેશરને બેલેન્સ કરે છે. ખરાબ કોલેસ્ટ્રોલને ઓછું કરે છે અને સ્કિનને પણ ગ્લોઈંગ રાખે છે. ઓરેન્જ જ્યૂસ ઈમ્યૂન સિસ્ટમને સુધારે છે. જેથી પેટ સંબંધી બીમારીઓ પણ થતી નથી. આ સિવાય સંતરાનું જ્યૂસ કેન્સર, અલ્સર, પથરી, હાર્ટ એટેક, એનિમિયા વગેરેથી પણ શરીરનું રક્ષણ કરે છે. જેથી વિટામિન સીથી ભરપૂર ફળ અવશ્ય આરોગવા જોઈએ.

6. લીલા શાકભાજી

ક્યારે ખાવા- રોજ ડાયટમાં સામેલ કરવા
કેમ ખાવા- ભોજનમાં લીલા શાકભાજી ખાવા અત્યંત જરૂરી હોય છે. તેમાં ભરપૂર માત્રામાં વિટામિન સી અને ન્યૂટ્રિઅન્ટ્સ હોય છે. જેમ કે આયર્ન, વિટામિન એ, બી, સી, કેલ્શિયમ અને ફાયબર. લીલા શાકભાજીમાં એન્ટીઓક્સીડેન્ટ્સ હોય છે. જે ઈમ્યૂન સિસ્ટમને મજબૂત બનાવે છે. સાથે-સાથે કેન્સરના સેલ્સને પણ ખતમ કરે છે. એટલું જ નહીં લીલા શાકભાજી સ્ટ્રોક, દિલની બીમારીઓ અને ડાયાબિટીસ હોવાના ખતરાને પણ ઘટાડે છે. સાથે જ શરીરને ભરપૂર માત્રામાં પોષક તત્વો આપે છે.

7. ઈંડા

ક્યારે ખાવા- દરરોજ 1 ઈંડુ ખાઓ
કેમ ખાવા- ઈંડામાં ભરપૂર માત્રામાં પ્રોટીન હોય છે. એટલું જ નહીં ઈંડાના સફેદ ભાગમાં વિટામિન ડી હોય છે. રોજ ઈંડા ખાવાથી 6 ટકા વિટામિન ડી મળે છે. ઈંડામાં ઓમેગા-3, વિટામિન એ, ઈ, એન્ટીઓક્સીડેન્ટ, લ્યૂટેન વગેરે હોય છે. જે સ્ટ્રોક, દિલ સંબંધી બીમારીથી બચાવે છે. આંખો માટે પણ આ બહુ ફાયદાકારક હોય છે. બોડી બિલ્ડિંગ માટે પણ ઈંડા એક ઈફેક્ટિવ ફૂડ છે.

source: divyabhaskar.co.in

રોજ ખાઓ આ 7માંથી કોઈ 1 ફૂડ, નબળા શરીરને મળશે ભરપૂર તાકાત


શુકનશાસ્ત્ર અને લોકમાન્યતાઓમાં કેટલાય શુભ અને અશુભ શુકનોની ચર્ચા કરવામાં આવી છે. ચાલો જાણીએ કેટલાક એવા જ શુભ શુકનો વિશે જે તમારી કિસ્મત ખોલવાના સંકેત આપે છે.

- સપનામાં ભગવાનના દર્શન થવા કોઈ મોટી મનોકામના પૂરી થવાના સંકેત આપે છે.

- દૂધ ગરમ કરતી વખતે અચાનક ઉભરાય જાય તો તે શુભ શુકન માનવામાં આવે છે.

- કોઈ કામથી જઈ રહ્યા હોવ અને લાલ રંગના વસ્ત્રોમાં કોઈ સ્ત્રી દેખાઈ તો સફળતા અને ધનલાભ થશે એવું માનવામાં આવે છે.

- કુતરો મોંમાં હળદર લાગેલા માંસનો ટુકડો લીધેલો દેખાય તો તમે જે કામ માટે જઈ રહ્યા છો તેમાં સફળતા મળવાના સંકેત છે.


- કોઈ કામ માટે બહાર જઈ રહ્યા હોવ અને સામે મોર નૃત્ય કરતા દેખાય જાય તો સમજવું કે તમારી યાત્રા સફળ થશે.

- પોકેટમાં પૈસા રાખતી વખતે પડી જાય તો તેને શુભ શુકન માનવામાં આવે છે. આ સંકેત છે કે તમને ધન પ્રાપ્તિ થવાની છે.

- ઘોડો પોતાના દાંતથી ડાબા ભાગને ખંજવાળતો દેખાય તો કામમાં સફળતા પ્રાપ્ત થાય છે. જો આર્થિક લેવડ-દેવડ માટે જઈ રહ્યા હોવ તો લાભ મળશે. ઘોડો સામેથી દોડતો દેખાઈ દે તો પણ તે શુભ શુકન હોય છે.

- શુકનશાસ્ત્ર મુજબ સવારના સમયે જો તમે ક્યાંય જઈ રહ્યા હોવ અને કોઈ કાગડો ઉડતો-ઉડતો આવીને તમારા પગને સ્પર્શ કરી જાય તો તે ખૂબ જ શુભ શુકન હોય છે. તેનાથી જીવનમાં પ્રગતિ મળે છે. ધનલાભ મળે છે અને શત્રુઓ પર વિજય પ્રાપ્ત થાય છે.

- સાપ જો તમારા ઘરના બારણાં પર આવીને પૂંછ પટકે અથવા શિવલિંગમાં વીંટેલો દેખાય જાય તો સમજી લેજો હવે લક્ષ્મી તમારા ઘરે આવવાની છે.

- શુભ કામ પર જતી વખતે કિન્નર દેખાઈ જાય તો શુભ શુકન થાય છે. કિન્નરને તમે પૈસા આપો અને તેમાંથી થોડા પૈસા કિન્નર પાછા તમને આપી દે તો તેને સાંચવીને રાખો. જમા કરેલા ધનમાં વૃદ્ધિ થાય છે.

- ગરોળી જમણી તરફથી ચડીને ડાબી તરફ ઉતરતી હોય તો તે શુભ શુકન હોય છે. આ પ્રગતિ અને ધનલાભના સંકેત આપે છે.

- સપનામાં સ્વયંને ટાલવાળાં જુઓ તો તે ધન પ્રાપ્તિના શુભ સંકેત માનવામાં આવે છે.

- રસ્તામાં નોળિયો દેખાય તો તેને ધનલાભના સંકેત સમજવા. તેમજ તેને શત્રુઓથી બચવાના પણ સંકેત માનવામાં આવે છે.

- ગધેડો તમારી ડાબી તરફ અવાજ કરે તો તે પણ શુભ શુકન છે જે તમને ધનલાભ મળવાના સંકેત માનવામાં આવે છે.


- જમણાં હાથમાં સતત ખંજવાળ થતી રહેતી હોય તો તેને પણ ધન પ્રાપ્તિના સંકેત માનવામાં આવે છે.

source: divyabhaskar.co.in

આ 15માંથી કોઈ 1 શુકન થાય તો સમજી લેજો જાગી રહ્યું છે તમારું ભાગ્ય


દહીંમાં પ્રોબાયોટિક્સ એટલે કે સારાં બેક્ટેરિયા હોય છે. આ સાથે જ તેમાં વિટામિન્સ, કેલ્શિયમ અને અન્ય કેટલાક ફાયદાકારક મિનરલ્સ હોય છે. પણ દહીં ખાવાના કેટલાક નિયમો હોય છે. જેને ફોલો કરવા બહુ જ જરૂરી છે. નહીં ફાયદાની જગ્યાએ તેને ખાવાથી નુકસાન થવા લાગે છે. આયુર્વેદમાં 6 નિયમો જણાવ્યા છે જ્યારે દહીં ન ખાવું જોઈએ.

આયુર્વેદમાં દહીંને અભિષ્યંદી દ્રવ્ય માનવામાં આવે છે. એટલે કે એવો આહાર છે ચેનલ્સને બ્લોક કરે છે. જેથી આયુર્વેદમાં તેને બહુ સારાં આહાર તરીકે નથી માનવામાં આવતું પણ લોકોમાં એવી માન્યતા છે કે આયુર્વેદ પ્રમાણે દહીં બહુ જ સારું છે અને રોજ દહીં ખાવું જોઈએ. પણ આયુર્વેદના નિયમો ફોલો કરીને દહીં ખાવામાં આવે તો તેનાથી નુકસાન થતું નથી. તો આજે તમે પણ જાણી લો.


આયુર્વેદ પ્રમાણ દહીં ખાવાના કયા નિયમો ફોલો કરવા ખૂબ જ જરૂરી છે.







source: divyabhaskar.co.in

આ 6 રીતથી ક્યારેય દહીં ન ખાવું જોઈએ, નહીં તો ફાયદાની જગ્યાએ થશે નુકસાન


આમ તો દુનિયામાં એક એકથી ચઢીયાતા આઈલેન્ડ છે, જેની મુલાકાતે દેશ-દુનિયાના હજારો લોકો આવતા હોય છે. પરંતુ કેટલીક જગ્યાઓ શરૂઆતથી જ અભિશાપિત હોય છે. આવું જ એક આઈલેન્ડ છે જેને લોકો રહસ્યમય કહે છે.

વિલામાં રહેનારનું થાય છે મોત

ઈટલીના નેપલ્સમાં આવેલો આ ગિઓલા આઇલેન્ડ વિશે તો એકદમ ડરામણી માન્યતા છે. માનવામાં આવે છે કે આ આઈલેન્ડ પર બનેલા એક વિલામાં જે કોઈ રહેવા જાય એ ક્યારેય પાછુ નથી આવ્યું. પહાડના બે ટુકડા જેવા દેખાતા આ આઈલેન્ડના એક ભાગમાં વિલા બનેલો છે અને બીજો ભાગ એકદમ ખાલી છે. નેપલ્સમાં રહેતા લોકો આની કર્સ્ડ (ભેદી) આઈલેન્ડ પણ કહે છે. એમનું કહેવું છે એ આ વિલામાં રહેનારનું મોત થઈ જાય છે. આના પહેલા માલિકે આત્મહત્યા કરી હતી તો બીજાનું મોત હાર્ટએટેકથી થયુ હતું. એ પછી તો આ વિલા ખાલી જ છે.

5 મિનિટમાં તરીને જઈ શકાય છે

ભેદી હોવાછતાં આ વિલાને જોવા માટે ઘણાં લોકો આઈલેન્ડ પર જાય છે. જો કે આ વિલામાં રોકાવાની હિમ્મત કોઈ નથી કરતું. આ આઈલેન્ડ નેપલના દરિયા કિનારાથી એકદમ નજીક છે. સ્વિમિંગ આવડતું હોય એવા લોકો તો માત્ર પાંચ મિનિટમાં ત્યાં પહોંચી જાય છે. માનવામાં આવે છે કે 19માં સદી પછી આ વિલા બનાવાયો છે, એ પહેલાં અહીં એક ફેક્ટરી હતી, મેન લેન્ડ સાથે તેને જોડવા માટે 1920માં આઈલેન્ડ પર કેબલ કારની સુવિધા ઊભી કરવામાં આવી હતી પણ એને તરત જ બંધ કરી દેવામાં આવી હતી.





source: divyabhaskar.co.in

આ સુંદર આઈલેન્ડ છે મોતનો સૌદાગર, ટૂરિસ્ટ કદી રાત નથી રોકાતા!


હિન્દુ ધર્મમાં મંત્રોનું વિશેષ મહત્વ છે. મંત્રોના માધ્યમથી અનેક મુશ્કેલ કાર્ય પણ સરળતાથી કરી શકાય છે. આપણાં ઋષિ-મુનિઓએ દૈનિક જીવન સાથે જોડાયેલા દરેક કામ પહેલાં કે પછી એક વિશેષ મંત્ર બોલવાનું વિધાન બનાવ્યું છે, પરંતુ બદલતાં સમયની સાથે આપણે આ પરંપરાથી દૂર થઇ રહ્યા છીએ. આજે અમે તમને 10 એવા મંત્રો વિશે જણાવી રહ્યા છીએ જે સવારે ઉઠવાથી લઇને રાતના સૂતા પહેલાં દરેક વ્યક્તિએ બોલવો જોઇએ. આ 10 મંત્ર આ પ્રકારે છે.

1. સવારે ઉઠતાની સાથેજ બન્ને હથેળી જોઇને આ મંત્ર બોલવો:
કરાગ્રે વસતે લક્ષ્મી, કરમુલે સરસ્વતી ।
કરમધ્યે તું ગોવિંદા, પ્રભાતે કર દર્શનમ ॥

૨. ધરતી ઉપર પગ રાખતા પહેલા આ મંત્ર બોલવો:
સમુદ્રવસને દેવી પર્વતસ્તન મંડલે ।
વિષ્ણુપત્ની નમસ્તુભ્યમં પાદસ્પશં ॥

3. દાતણ કરતા પહેલા આ મંત્ર બોલો:
આયુર્બલં યશો વર્ચ: પ્રજા:
યશુવસુની ચ બ્રમ્હ પ્રજ્ઞાં
ચ મેઘા ચ ત્વન્નો દેહી વનસ્પતે ॥

4. સ્નાન પહેલા બોલો આ મંત્ર:
ગંગે! ચ યમુને! ચૈવ ગોદાવરી!
સરસ્વતી! નર્મદે! સિંધુ! કાવેરી!
જલેસ્નીન્ સન્નિધિં કુરૂ ॥

5. સૂર્યને અધર્ય આપતા પહેલા બોલો આ મંત્ર:
ઓમ ભાસ્કરાય વિદ્મહે, મહાતેજાય
ધીમહી તન્નો સૂર્ય: પ્રચોદયાત ॥

6. ભોજન કરતા પહેલા બોલો આ મંત્ર:
ઓમ સહનાવવતુ સહનોભુનક્તુ, સહવીર્યમ કરવા વહે ।
તેજસ્વિના વધીતમસ્તુ, માં વિદ્વિષાવહે ॥

7. ભોજન કર્યા પછી બોલો આ મંત્ર:
અગસત્યમ કુંભકર્ણ ચ શનિં ચં, બડવાનલં ।
ભોજનં પરિપાકાર્થ સ્મરેત ભીમં ચ પંચમં ॥

8. અભ્યાસ કરતા પહેલા બોલો આ મંત્ર:
ઓમ શ્રી સરસ્વતી શુક્લવર્ણા સસ્મિતાં સુમનોહરામ
કોતીચન્દ્રપ્રભામુસ્ટપુસ્ટ શ્રીયુક્ત વિગ્રહામ્ ॥

9. સાંજે પૂજા કરતી વખતે બોલો આ મંત્ર:
ઓમ ભૂભૂર્વ: સ્વ: તત્સવિતુર્વરેણ્યં
ભર્ગો દેવસ્ય ધીમહિ ધિયો યો ન: પ્રચોદયાત્ ॥

10. રાતના સુતી વખતે બોલો આ મંત્ર:
અચ્યુતં કેશવમ વિષ્ણું હરી સોમં જનાર્દનમ્ ।
હસં નારાયણં કૃષ્ણં જપતે દુ:સ્વપ્રશાન્યતે ॥

source: divyabhaskar.co.in

ઇશ્વરની અપાર કૃપા મેળવવા, દરરોજ સવારે ભુલ્યા વિના કરો આ 1 સરળ કામ


બીજાને સલાહ આપવાનું કહેવામાં આવે તો આપણે તરત આગળ હોઈએ છીએ. જ્યારે સ્વયંને સમય-સમય પર કહેવામાં આવતી વાતો કાયમ ભૂલી જઈએ છીએ. આપણને જ્યારે પણ એકાંત મળે છે ત્યારે અમુક સાચી વાતો પર વિચાર કરવો જોઈએ. આ વાતોનું જાણ થવા પર દિમાગ હકારાત્મક દિશામાં વધવા લાગશે, તમે શાંત રહેશો અને સારા પરિણામ મળશે. જાણો આ વાતોના વિશે જે આપણે એકાંતમાં હોઈએ ત્યારે વિચારવી જોઈએ.

  1. મારી સાથે જે કંઈ પણ થાય છે, હું એ વસ્તુઓને કંટ્રોલ નથી કરી શકતો. હા, પણ આ વસ્તુઓ પર કઈ રીતે રિએક્ટ કરવું જોઈએ એ મારા વશમાં છે. મારો પ્રતિભાવ જ મારી તાકાત હોવી જોઈએ.
  2.  જીવનમાં જે કંઈ પણ થાય છે, હું એ બધી જ વસ્તુઓને સ્વીકારું છું. જ્યારે પણ હું આ બધી વસ્તુઓથી પહેલી વખત મળું છું તો પોતાનું સર્વશ્રેષ્ઠ આપવાના ઉદ્દેશ્ય સાથે જ આગળ વધુ છું.
  3.  જ્યારે હું કોઈ કામમાં વિજય થાવ છું તો હું સ્વયંને એટલું સારું નથી માનતો જેટલું કે લોકો કહે છે. એવી જ રીતે જ્યારે હું કોઈ કામ કરવામાં નિષ્ફળતા અથવા હારનો સામનો કરું છું તો હું પણ સ્વયંને એટલો નબળો નથી સમજતો.
  4. હું પરેશાનીઓને મેનેજ કરવાને બદલે દિમાગને મેનેજ કરું છું. પોઝિટિવ રહું છું.
  5. જેટલા જલ્દી હું અઘરી પરિસ્થિતિઓમાંથી બહાર નીકળી શકીશ એટલા જ જલ્દી હું પોતાના લક્ષ્યો હાંસલ કરવા તરફ પગલું ઉપાડીશ.
  6. ખોટું પરફેક્શન દેખાડવા કરતા ઉત્તમ છે ભૂલો કરવી. કારણ કે ભૂલો કરતા રહેવાથી જ આગળ વધવાના કેટલાય બોધપાઠ સંતાયેલા હોય છે.
  7. પડકારો કોઈ મોટું વિઘ્ન ત્યારે જ બને છે જ્યારે આપણે તેની સામે નતમસ્તક થઈ જઈએ છીએ.
  8. હું ક્યારેય ડરને છુપાવવાનો પ્રયાસ નથી કરતો કારણ કે હું જાણું છું કે તે એટલા માટે છે કે મને જાણ થઈ શકે કે હજુ શ્રેષ્ઠ બાકી છે.
  9. જો મારી પાસે સમય નહીં હોય તો હું સૌથી પહેલા તે કાર્યોમાંથી પાછળ થઈ જઈશ જેને કરવાનો કોઈ અર્થ જ નથી.
  10. હું સ્વયંને ઉત્તમ વ્યક્તિ બનાવવાનો સતત પ્રયાસ કરતો રહીશ. હું માત્ર એવું નહીં વિચારું કે હું સારો છું.
  11. જેવું આજ છે એવું ભવિષ્ય નહીં હોય. ભવિષ્ય બિલકુલ અલગ હશે અને મારી પાસે સ્વર્ણીમ ભવિષ્ય બનાવવાની તાકાત છે. એ પણ આજે અત્યારે.
  12. ખુશીઓ મારી પાસે ત્યારે જ આવશે જ્યારે તે મારી અંદરથી આવશે. ખુશીઓ માટે ખુશ રહેવું ખૂબ જરૂરી છે.
  13. હું પોતાની છબિ અથવા લિગેસી એ વાત પર નથી બનાવી શકતો કે હું એક દિવસ શું બનીશ.
  14. જરૂરી નથી કે યોગ્ય દિશામાં ઉપાડેલા પગલા મોટા જ હોય. નાના પગલા ભરવાથી પણ સફળતા મળે છે.
  15. નાનકડી સફળતાને પણ સેલિબ્રેટ કરવી જોઈએ, કારણ કે જો આપણે નાની વસ્તુઓને સેલિબ્રેટ કરીશું તો જ મોટી સફળતા મળી શકશે.

source: divyabhaskar.co.in

આ 15 વાતો એકાંતમાં વિચારશો તો જ સફળતાના શિખરે પહોંચી શકાશે


બજરંગબલીને રામ ભક્તની સાથે કષ્ટ મોચક પણ માનવામાં આવે છે. જો સાચા મનથી અને પૂરી શ્રદ્ધાથી જાપ કરવામાં આવે તો ડર દૂર કરીને કોઇપણ પ્રકારના હાલાતનો સામનો કરવાનું સાહસ પ્રદાન કરે છે. ચૈત્ર માસની પૂર્ણિમાના રોજ હનુમાનજીનો જન્મ થયો હોવાથી આ દિવસે શ્રી હનુમાન જયંતી મનાવવામાં આવે છે.

પૂજા વખતે આ ધ્યાન રાખવું
મહાવીર હનુમાનને મહાકાલ શિવના 11મા રૂદ્ર અવતાર માનવામાં આવે છે. એમની વિધિવત ઉપાસના કરવાથી તમામ કષ્ટનો નાશ થાય છે. ધ્યાન રાખવું કે કાળાં કે સફેદ વસ્ત્ર ધારણ કરીને હનુમાન જીની પૂજા ન કરવી જોઇએં. આવું કરવાથી પૂજા પર નકારાત્મક પ્રભાવ પડે છે. લાલ કે પીળા વસ્ત્ર પહેરીને જ હનુમાનની પૂજા કરવી. જો રાશિ મુજબ હનુમાન જયંતી પર બજરંગબલીની પૂજા કરવામાં આવે તો તેનું ઉત્તમ ફળ મળતું હોય છે. જ્યોતિષના જાણકાર સુજીત મહારાજ જણાવે છે કે કઇ રાશિના જાતકોએ કેવી રીતે હનુમાન પૂજન કરવું જોઇએ.

મેષ
આ રાશિના સ્વામી મંગળ છે. મંગળથી સંબંધિત દ્રવ્ય કંકૂ હનુમાનજીને લગાવવામાં આવે તો આ રાશિના જાતકોની અધૂરી ઇચ્છા પૂરી થાય છે. મંગળનો સંબંધ લોહીથી પણ છે. ડાયાબિટીસ કે બ્લડ પ્રેશરની સમસ્યા હોય તો હનુમાનજીને સવા કીલો લાડવા ચઢાવવાથી કષ્ટોમાંથી મુક્તિ મળે છે.

વૃષભ
આ રાશિના સ્વામી શુક્ર છે. 24 કલાક સુધી સુગંધિત અગરબત્તી અને ઘીનો દીવો પ્રગટાવી રાખવો. અભ્યાસમાં નબળા હોય તેવા જાતકોએ આ દિવસે શ્રી હનુમાનાષ્ટકનો પાઠ કરવો. ચમેલીના તેલમાં ગુલાલ લગાવી હનુમાનજીને અર્પણ કરો.

મિથુન
આ રાશિના સ્વામી બુધ છે. લાલ પુષ્પની સાથે અપરાજિતાનું પુષ્પ હનુમાન જીને ચઢાવો અને એમને વસ્ત્ર અર્પણ કરો. જે લોકો રોગથી પરેશાન છે તેઓ શ્રી હનુમાન બાહુકનો પાઠ કરો. વિદ્યાર્થી આ દિવસે હનુમાનના મંદિરે એક ધાર્મિક પુસ્તકનું દાન કરવું.

કર્ક
આ રાશિના સ્વામી ચંદ્રમા છે. ચંદ્રમાનો સંબંધ ભગવાન શિવ સાથે પણ છે. તેથી રુદ્રાવતાર શ્રી હનુમાનજીને શિવપુરાણ અર્પણ કરો તથા એનો પાઠ કરો. લાલ પુષ્પ અને ચમેલીના ફૂલ અર્પણ કરો. શ્રી બજરંગ બાળનો પાઠ કરવો.

સિંહ
આ રાશિના સ્વામી સૂર્ય છે. સૂર્ય શ્રી હનુમાનજીના ગુરુ પણ છે. શ્રી સુંદરકાંડની સાથે સાથે શ્રી આદિત્યહ્રદયસ્તોત્રનો પાઠ કરવો. શ્રી બજરંગબલીને પ્રસન્ન કરવા માટે શ્રી રામ નામનો જાપ કરો.

કન્યા
આ રાશિના સ્વામી બુધ છે. શ્રી હનુમાન ચાલીસાનો 108 વખત પાઠ કરવો. શ્રી રામરક્ષા સ્તોત્રનો પણ પાઠ કરવો.

તુલા
આ રાશિના સ્વામી શુક્ર છે. સુગંધિત અગરબત્તી પ્રગટાવી ઘીનો દીવો પ્રજ્જવલિત કરો અને લાલ પુષ્ત તથા કંકુ બજરંગબલીને ચઢાવો.

વૃશ્ચિક
આ રાશિના સ્વામી મંગળ છે. શનિના પ્રકોપથી બચવા માટે તલના તેલથી દીવો પ્રગટાવવો અને શ્રી સુંદરકાંડનો પાઠ કર્યા બાદ મંદિરમાં પ્રસાદ વહેંચવો.

ધન
આ રાશિના સ્વામી ગુરુ છે. શ્રી રામરક્ષા સ્તોત્રનો પાઠ કરવો. શ્રી હનુમાનજીને શ્રી રામ કથાનો કોઇ પ્રિય પ્રસંગ સંભળાવવો અને મંદિરમાં શ્રી રામચરિતમાનસનું દાન કરવું.

મકર
આ રાશિના સ્વામી શનિ છે. શનિના પ્રકોપથી બચવા માટે હનુમાનજી સમક્ષ તલના તેલનો દીપક પ્રગટાવી શ્રી સુંદરકાંડનો પાઠ કરવો.

કુંભ
આ રાશિના સ્વામી શનિ છે. આ રાશિના લોકો હનુમાનજીને રામ નામની માળા પહેરાવો. શ્રી હનુમાન ચાલીસાનો 108 વખત પાઠ કરવો.

મીન
આ રાશિના સ્વામી ગુરુ છે. શ્રી હનુમાન જયંતીના દિવસે સુંદરકાંડની સાથે સાથે શ્રી રામચરિતમાનસના અરણ્યકાંડનો પાઠ કરવો.

રાજનીતિમાં સફળતા મેળવવા માટે
આ પ્રકારે રાશિ મુજબ શ્રી હનુમાન જયંતીની પૂજા કરવાથી કષ્ટ સમાપ્ત થશે. જે જાતક વધુ બીમાર રહેતા હોય તેમણે આ દિવસે શ્રી હનુમાનબાહુકનો પાઠ જરૂર કરવો. અભ્યાસમાં ઉન્નતિ માટે શ્રી હનુમાનચાલીસાનો પાઠ કરવો. કોઇ વિશેષ ઉદ્દેશ્યની પ્રાપ્તિ માટે શ્રી બજરંગબાણનો પાઠ કરો. જે લોકો રાજનીતિમાં સફળતા મેળવવા માગતા હોય એમણે રાત્રે જાગરણ કરીને 9 વખત સુંદરકાંડનો પાઠ કરવો.

source: imgujrat.com

રાશિ પ્રમાણે કરો ભગવાન હનુમાનજીની પૂજા, આ હનુમાન જયંતિ નિમિત્તે


જેવી રીતે ખીલ અને ખીલના ડાઘ ચહેરાની સુંદરતા બગાડે છે. એ જ રીતે બ્લેક હેડ્સ પણ સુંદર ચહેરાને ખરાબ કરે છે. નાક અને ચિન પર સૌથી વધારે બ્લેક હેડ્સ થાય છે. ચહેરા પર જે જગ્યાએ સ્કિન થોડી હાર્ડ હોય તે જગ્યા પર બ્લેક હેડ્સની સમસ્યા જોવા મળે છે. ચહેરાની સ્કિનના છિદ્રોમાં ઓઇલ ભરાઈ જાય છે અને તેમાં જામી જાય છે. જેના કારણે છિદ્રો સખત બને છે અને ચહેરા પર કાળાં ટપકાં જેવા બ્લેક હેડ્સ ઉપસી આવે છે. બ્લેક હેડ્સથી ચહેરો ગંદો દેખાય છે.

બ્લેક હેડ્સને દૂર કરવા થોડી સ્વચ્છતા રાખવી જરૂરી છે. તેના માટે સારાં ક્લીન્ઝરનો નિયમિત ઉપયોગ કરવો જોઇએ.ચહેરાને યોગ્ય રીતે સાફ કરવો, દિવસમાં બે વખત ચહેરાને હૂંફાળા પાણીથી સાફ કરો. આ સિવાય બ્લેક હેડ્સને દૂર કરવા માટે તે થવાના કારણો સમજવા બહુ જરૂરી છે. જેથી આજે અમે તમને બ્લેક હેડ્સ થવાના કારણો અને તેના માટે બેસ્ટ ઘરેલૂ ઉપચાર જણાવીશું.

બ્લેક હેડ્સ થવા માટેના 6 કારણો જવાબદાર છે.

  1. હોર્મોનલ ચેન્જ- ઉંમરની સાથે બોડીમાં હોર્મોનલ ચેન્જ આવે છે, જેમાના કેટલાક હોર્મોન્સથી સ્કીન પર ખરાબ અસર થાય છે. જેના કારણે બ્લેક હેડ્સની પ્રોબ્લેમ થવા લાગે છે.
  2. સ્કીન સાફ ન કરવી- ડસ્ટ અને પોલ્યુશનને કારણે સ્કીન પોર્સ બંધ થઇ જાય છે. જેના કારણે બ્લેક હેડ્સની પ્રોબ્લેમ થવા લાગે છે.
  3. કેમિકલ્સની અસર- મેકઅપ અને બ્યુટી પ્રોડકટ્સમાં રહેલા કેલીકલ્સની ખરાબ અસરને લીધે બ્લેક હેડ્સની પ્રોબ્લેમ થાય છે.
  4. સ્મોકિંગ- સિગરેટના ધુમાડામાં રહેલો ટાર અને કેમિકલ્સ સ્કીન પોર્સમાં જમા થાય છે. જેને લીધે હેડ્સની પ્રોબ્લેમ થાય છે.
  5. ડાયટ- ડાયટમાં વધુ ઓઈલી, હાઈ શુગર અને હાઈ કાર્બોહાઈડ્રેટ વાળા ફૂડસ ખાવાથી સ્કીનને નુકસાન થાય છે. લીધે બ્લેક હેડ્સની પ્રોબ્લેમ થાય છે.
  6. સ્ટ્રેસ- સતત સ્ટ્રેટમાં રહેવાને લીધે કોર્ટીસોલ નામના સ્ટ્રેસ હોર્મોન રીલીઝ થાય છે. જેની સ્કીન પર ખરાબ અસર થાય છે. લીધે બ્લેક હેડ્સની પ્રોબ્લેમ થાય છે.

બ્લેકહેડ્સ દુર કરવા માટેના ઉપાયો:

  1. ગુલાબ જળ- 1-1 ચમચી ગુલાબજળ અને મીઠું મિક્ષ કરો, અને બ્લેકહેડ્સ પર હળવેથી મસાજ કરો. 10 મિનીટ બાદ વોશ કરી નાખો.
  2. ખાંડ- 1 ચમચી ખાંડમાં ચપટી મીઠું મિક્ષ કરો. જેને બ્લેકહેડ્સ પર હળવા હાથે મિક્ષ કરો. 5 મિનીટ બાદ કોટનથી સાફ કરો.
  3. ચણાનો લોટ- 1 ચમચી ચણાના લોટમાં બે ચમચી દૂધ અને ચપટી મીઠું મિક્ષ કરી ચેહરા પર લગાવો. 10 મિનીટ બાદ હળવા હાથે ઘસીને ધોઈ નાખો.
  4. લીંબુનો રસ- લીંબુનો રસ બ્લેકહેડ્સ પર લગાવીને મસાજ કરો. 2 મિનીટ બાદ તેના પર મીઠું લગાવીને હળવા હાથે ઘસો અને 5 મિનીટ બાદ નવશેકા પાણીથી ધોઈ લો.
  5. દહીં- અળધી ચમચી દહીં માં થોડો કાળા મરીનો પાઉડર મિક્ષ કરી લો. જેને બ્લેકહેડ્સ પર લગાવો. 10 મિનીટ બાદ હળવા હાથે ઘસીને ધોઈ નાખો.
  6. બેકિંગ સોડા- અડધા કપ પાણીમાં બે ચમચી બેકિંગ સોડા મિક્ષ કરીને પેસ્ટ બનાવી લો. જેનાથી 5-8 મિનીટ બ્લેકહેડ્સ પર મસાજ કરો. સુકાઈ ગયા બાદ નવશેકા પાણીથી વોશ કરો.
  7. તજ- એક ચમચી તજના પાઉડરમાં 1-1 ચમચી લીંબુ નો રસ અને હળદર મિક્ષ કરી ચેહરા પર લગાવો અને મસાજ કરો. 5 મિનીટ બાદ ધોઈ લો.
  8. મધ- એક ચમચી મધ લઇ ચેહરા પર લગાવો. 5-10 મિનીટ સુધી મસાજ કરો અને બાદમાં ધોઈ નાખો.
  9. હળદર- 2-2 ચમચી હળદર અને ફોદીનાનો રસ મિક્ષ કરી પેસ્ટ બનાવી લો. તેનાથી 5 મિનીટ ચેહરા પર મસાજ કરો અને બાદમાં નવશેકા પાણીથી ધોઈ નાખો.
  10. કેળા- કેળાની છાલના અંદરનાં ભાગથી બ્લેકહેડ્સ પર 10 મિનીટ સુધી મસાજ કરો. અને પછી પાણીથી ધોઈ નાખો.

source: divyabhaskar.co.in

આ 6 કારણોથી થાય છે બ્લેક હેડ્સ, જડથી દૂર કરશે આ 10 ઉપયોગી ટીપ્સ


ગાયત્રીમંત્રનો મહિમા અપરંપાર છે. આ વાતથી સૌ કોઈ વાકેફ તો છે પરંતુ અપુરતા જ્ઞાનના કારણે તેનો પ્રયોગ કરતાં નથી. નાના બાળકોથી લઈ વૃદ્ધ સુધી સૌ કોઈને આ મંત્ર કંઠસ્થ હોય જ છે. પરંતુ તેમ છતાં આ મંત્રનો જાપ કરવાનું લોકો ચુકી જાય છે. આ મંત્રની એક માળા એટલે કે મંત્રના 108 જાપ તમારા ઘર, પરિવાર અને આવનારી પેઢીનું પણ તમામ પ્રકારની સમસ્યાઓથી રક્ષણ કરે છે.

બ્રહ્માજીના પત્ની તરીકે માતા ગાયત્રીનું પુરાણોમાં વર્ણન છે. ગાયત્રી અને ગાયત્રીમંત્ર બંને એકબીજાના પર્યાય જેવા છે. પરંતુ આ વાત તમે કદાચ જાણતા નહીં હોય કે આ મંત્ર એટલો શક્તિશાળી છે કે જો નિયમિત ગાયત્રીમંત્રની એક માળા પણ કરવામાં આવે તો અનેક અસાધ્ય રોગ સામે પણ શરીરનું રક્ષણ થાય છે. શરીરમાં ક્યારેય ભયંકર રોગ પ્રવેશતા નથી.


દેવમાતા ગાયત્રી જગતની પ્રાણશક્તિ છે. તેમની ઉપાસના કરવાથી બુદ્ધિ, બળ, એશ્વર્ય, ઊર્જા, શાંતિ, વૈભવ, ઉત્સાહ અને કામનાપૂર્તિ કરનાર માનવામાં આવે છે. માતા ગાયત્રીનું નિયમિત ધ્યાન અને સ્મરણ ભૌતિક અને આધ્યાત્મિક સુખ પ્રદાન કરે છે.

ગાયત્રી ઉપાસનામાં પણ ગાયત્રી મંત્ર મુખ્ય છે. ભાગ્યે જ કોઈ એવું હશે કે જેને ગાયત્રીમંત્રની ખબર ન હોય. આ મંત્રના પ્રભાવને વૈજ્ઞાનિકોએ પણ સ્વીકાર્યો છે. જે ઘરમાં દરરોજ ગાયત્રીમંત્રની એક માળા થતી હોય, તે ઘરમાં રિધ્ધી-સિધ્ધીનો સ્થાયી નિવાસ રહે છે. જો ઘરમાં દરેક વ્યક્તિ ગાયત્રીમંત્રની એક માળા કરતી હોય તો તેમની સાત પેઢી તરી જાય છે. તે કુટુંબના બાળકો પણ તેજસ્વી હોય છે.

source: sandesh.com

ગાયત્રી મંત્રમાં છે અદ્ભુત શક્તિ, જાણો નિયમિત જાપ કરવાના ફાયદા